Lucas 9

येसुलो उझिन्ट बाने युङ डानेरं

57 येसु सोनो उसिसरं येम्ट यानाज़्याकं, टोबो मीये येसुलाई हैओडोव, "ए प्रभु, नङ जोडे नना ङा नझिन्ट रानेङाले।"

58 होकाम येसुये नोलाई हैओडोव, "स्यालाराई यागार टाये, होसोनो नमटा भुर्ज़्याव बाज़ाराई याज़ीःम ले, हैनि पनि मानवालो ओज़ालो के ओङैः अडैने पो पनि माले।"

59 येसुये छुटं टोबोलाई हैओडोव, "ङाछिन्ट राङंन।" होकाम नोये हैओवारो, "ङाःडे ङाबाबुलाई गाडिनाने नाव गयाङ्के।"

60 येसुये नोलाई हैओडोव, "मोरोरंलाई यामोरोज़ गाडिव योरं, होकाम नङ नाडे परमेस्वरलो ओराज्यलो चाव सोर प्रचार डो।"

61 छुटं टोबोये पनि हैओवारो, "प्रभु, ङा नझिन्ट रानेङाले, हैनि पनि ङाःडे ङाज़ीःमलारासं भासिव याङ।"

62 होकाम येसुये नोलाई हैओडोव, "उकुइ वोःरटं क्योःडे उझिन्डे वोल्डे रःङने काङ्का पनि परमेस्वरलो ओराज्यलं नाडुने माले।"