1 Izhin bɛ vuŋ nyɛr gli, tena wɔb nek yi izhu tsetser, ne bla kiki yi ti. 2 Iwaŋ ndi a lɛ ne aŋa anuŋ, ba lɛ ben aneshir ba, a lɛ ben Arik, ba inuŋ a zhi kiyiŋ ndi ablai ba, abla kiki yi suyir ne ankɔŋ ayou izhu tsetser 3 Fena abaŋ ndi aduu aner ilɛ kɛ Arik te nǝk ba ki, anǝk ba mgbyamgbyaŋ, te nǝk ba sik susun. 4 Abaŋ ndi alɛ nɛ aŋa anuŋ, azɔk atu amen, ama abaŋ ndi abla du ilɛ kɛ Arik azɔk iflu ye akaba ma. 5 Mnǝ wɔb tǝ bɔbɔk min bǝ lɛ nǝ kɔte ŋɔwa abɛ lɛ aŋa kaŋkaŋ ama me wɔb te zhin bǝ bla lɛ kɛ Arik. Iwaŋ ndi abla lɛ kɛ Arik, ne naŋ waŋ ndi alɛ ne aŋa, Nuŋ a te bene bla ki yiŋ ndi lɛ ma.

6 Neme, amunya, mte nyɛ te lɛ zhin ne aŋa anuŋ, a yi anii zhin tei vuŋ Gli, mba nuŋ a te ben abla zhin ka, kɔ zhi, kɔ bla kiki yi ti, kɔ tsar lɛ kɛ Arik. 7 Ne lɛ ikiki yi yaŋ vli ir kǝ ayiyaŋ bǝn tǝntaŋ, inuŋ atei na kikin tɛ zhi akɔrɔ mba tɛ ŋurɛ tɛ na vlii ka? 8 Mba te vli mpluŋ ŋgɔŋ ba, ŋɔwa atei kpa ikpa kɛ tyak ikum? 9 Iyi amɛ ben abɛ zhin, ate yi ndi zhin lɛ ne aŋa aŋu, ndi ba zhi ki yiŋ ndi zhin blai ba, atei na yi lɛ kɛ yi sha! 10 Aŋa ayi kaŋkaŋ ne gɔŋmimi, ba yiŋ ndi ba yi ne ndum ba. 11 Ate yi ndi bam wɔ iki yiŋ ndi inuŋ ablai ba, myi cen ben ne lɛ me ana yi icen bǝn abɛm. 12 Ina yi amɛ bǝn abɛ zhin. Tǝ yi ndi izhin ne wɔb inǝk yi izhu, izhin bɛ vuŋ kpa gli gbamgbaŋ te duŋ abɛ zǝ Yesɔ abǝ aflu nǝ lɛ kɛ Arik.

13 Neme iwaŋ ndi ate lɛ aŋa anuŋ abɛ ben Arik te abɛ nǝgu zhi ikiki lɛ maa. 14 A te yi ndi mben Arik ne aŋa anuŋ, izhu muŋ iben, ama ilɛ muŋ ba ne na kinuŋ ba. 15 Fe M tei na kikin? M tei mben Arik ne izhu muŋ, ama M tei na mben Arik ne susun muŋ, M tei duk asem ayi gbar Arik ne izhu muŋ, M tei na ne lɛ susun muŋ. 16 Utǝ gbar Arik asak nǝ izhu yi susun mi ankyak, tǝ aner abǝ sha abaŋ ndi ba ayi nǝ miŋ kɛ abǝ yaŋ biŋe adi <<iyɛmɛ>> nǝ iben bǝn inyɛr mi? Banɛ zhi iki yiŋ ndi ublai ba. 17 Ndi une nyɛr Arik ŋgɔŋ, ama izumin bane vuŋ ne kinuŋ ba.

18 Mne nyɛr Arik me lɛ ne aŋa inaŋ zhin bɔbɔk mine. 19 Ne me ne biŋ yi abɛ zǝ Yesɔ ire tem mbla kǝŋ lɛ me ivuŋ iyiŋ ndi yi ne susun muŋ, te me tsar anuŋ ane yi, ne naŋ ndi me lɛ aŋa azhin awur ne aŋa nuŋ.

20 Izhin ba amunya, izhin bɛ duŋ na ki ndi amumun ba. Ate yi ndi ai zumimin izhin bǝ na ndi asen amumun, ne min asusun zhin bǝ na ki yi anuŋkub. 21 Nǝ icɛr yi Musa idi, <<Nǝ nkɔŋ ke aneshir lelɛ yayas M tei lɛ bǝn aner amuŋ, Ŋgɔŋ abla. M tei lɛ ne aŋa aye acɛn, neme ma aner amuŋ ba tei wɔm ba.>>

22 Fena, inǝk ilɛ nɛ aŋa ayayas iyi abǝ yaŋ tanyɛmɛ, bai abǝ tanyɛmɛ ba, fe inǝk yi bla kiki yi du ilɛ kǝ Arik iyi kǝ abɛ tanyɛmɛ, bai kǝ abǝ yaŋ tanyɛmɛ ba. 23 Ne me, ate yi ndi abɛ zǝ Yesɔ atei biŋ atu te zen lɛ ne aŋa anuŋ, abɛ yaŋ zhi ben abɛ yaŋ tanyɛmɛ atei yir te wɔ zhin zen lɛ ne aŋa, ba atei di aner abaŋa ahwa kai? 24 Ama inuŋ ate zǝn du ilɛ ke Arik ndi abǝ yaŋ tanyɛmɛ anuŋ ka aner anuŋ abǝ sha ne nye, atei tanyɛmɛ nǝ la lɛ men ndi ne wɔ. Atei tǝǝ ba ambuk bɔbɔk nǝ ki wɔ menɛ, 25 ikiki yi su yir nɛ asusun amen atei glie rumɔ ndende, ankyak atei tar agbarum te zǝkur Arik, abla iklu anyin, <<Ayi zub Arik ayi nǝ miŋ min!>>

26 Ta tei na di kikin, amunya? mkpaŋ keŋ ndi zhin tǝ biŋ, inuŋ abɛ duk asem ayi gbar Arik, inuŋ abena tsar ilɛ kɛ Arik, inuŋ abe bla, inuŋ abɛ lɛ ne aŋa, inuŋ abɛ gbu kɛ aŋa, abe na ki mɛ anenen. 27 A te yi ndi inuŋ atei lɛ ne aŋa anuŋ abɛ duŋ kam aya ba, ate yi tetɛk abɛ yi atar, abɛ lɛ a zhizhin, inuŋ abɛ ben kam ilɛ mɛ asen te bɛ zhi kɛ. 28 Ama ate yi ndi inuŋ nǝ bla lɛme ŋara ba yime amwɔ ba, fe iwaŋ ndi nɛ le nɛ acɛn aŋama abe ku anu tɛ le nǝ tu maa bǝn Arik.

29 Aner ayaa ka atar abaŋ ndi ne nǝk ba du lɛ kǝ Arik abe lɛ, fe nkime abe tsar ki yi bla menɛ atɔ. 30 Ate yi ndi ilɛ kɛ iki yi ti ne nyɛ nuŋ ndi akɔ sɔŋ, ine kuti ilɛmɛ abɛ ku anu. 31 Bɔbɔk mine izhin tei zhi du ilɛ ke Arik azhizhiin, te kɔte ŋɔwa abɛ vuŋ tsar te na yi ne susun kɛ kli gbamgbaŋ. 32 Inǝk yi du ilɛ ke Arik inǝ lɛme abe gli kǝ anenen, 33 tǝ Arik banɛ ta nyɛmɛ tǝ ta bǝ yi aneshir abǝ kpur akpa ba ama ta bǝ yi adidik bǝn sɔŋ kǝ sik. Ndi bǝn bɔbɔk aner abɛ zǝ Arik, 34 amba abɛ ku anu ndi abɛ zǝ Arik ate biŋ. Tǝ bɛ na nek ba mkpaŋ kɛ lɛ ba, ama abɛ zǝ ir keŋ ndi ne bla ne cɛr yi Musa. 35 Ate yi ndi awɔb te aba abɛ zhi kinuŋ, abɛ rib alulum amen ne kɔb, ayi ki shisha te amba abɛ lɛ ne miŋ kɛ biŋ abɛ zǝ Arik.

36 Ayi ne atu min ilɛ kɛ Arik ne kuti kɔ ilɛ kɛ Arik ne nyɛ ben zhine ba kiki min aner abɛ kɔrɔntiya ini? 37 Ate yi ndi inuŋ ayik tǝ iwa ayi nǝ shar ayou Arik kɔ wa ayi nǝ inǝk iyi izhu tsetser, abɛ zhi tɛ di iki yiŋ ndi mblai ma irɛ ben Ŋgɔŋ. 38 Inuŋ ate kyak kam tɔ kiyiŋ ndi mblau ma iwa ma ba tei na kam atɔu ba.

39 Ne me, akpa amuŋ, izhin bǝ nek atu amin ne ndum kɛ zhi kiki yi kuti, izhin bǝ duŋ yara ne lɛ aŋa anuŋ ba. 40 Ankyak izhin bǝ na kɔte ni ne ankɔŋ adidik te na nai anenen.