1 Neme me ni yik iki yi sɔŋ nyɛ ne ti men anɔkɔŋ ne bu ne gbarshu.

Ikɔr keŋ ndi mǝne wɔ kɛ ndi ne lɛ ben abɛm ne kuti, ne glɔ ndi mpluŋ, idi, <<Nyɛ ayaŋ, te mtei tsa ru iki yiŋ ndi itei na ndi yiŋɛ te gayir.>> 2 Ne mkpaŋ zhiin Izhu ne glim. Ankyak me yik iner nuŋ akɔsɔŋ ne mbɛn yi tum ne gbarshu. 3 Iti maa ilaŋ klaklak ndi mkpaŋ yasfa bǝn yakutu, adar ayi ndi zumurudu ne gɔŋ mbene ari. 4 Mben me sɔkyaa anǝ nas ne gɔŋ mben yi Itu mɔ iri, anuŋkub aneshir amɛ sɔkyaa ane nas ne suu kluŋklu klikla tena su itu anku kɛ yi ndi zinariya te akɔ sɔŋ akamu azik Mben yi Itum agɔŋ ari. 5 Nǝ mbene ilu laŋ, iglɔ ikiki, ben inas. Nǝ ti kɛ Mbene ilulu me taŋgba izǝn ta, ndi ayi Izhu me taŋgba yi Arik. 6 Ina yemɛ ti kɛ mben yi Itu mɔ ikinuŋ ndi amplɛ mkpaŋ yi laŋ yi nǝk, iyi ndi iki tɔ ti. kɔte nkɔn sa takǝ ikǝ mbene, kiki yi vli ndi yi ne ayi ne kpa mǝne bɔbɔk me nas ne gɔŋ kɛ iri. 7 Ine kuti me ayi ndi Ici; inǝ yaa ayi ndi nklu; inǝ ntar ma iti maa yi ndi iti neshir; inǝ nas ma ayi ndi agamdi azǝn bwak. 8 Ikiki yi vli me nas yiŋɛ kɔte tayi iyi nɛ amgba amɛ tani, ana yi ne ayi ndi agɔŋ ari ne miŋ bǝn abɛm. Aduk asem aririk bǝn bu yaŋ gburkli tedi: Tsetser,tsetser, tsetser, Arik Ŋgɔŋ ne yaŋ klɛtu, Iwaŋ ndi ne yime kukub, tena yime azizaŋ, waŋ ndi atei na nyɛ.>> 9 Ikiki yi vli me nas yiŋɛ iduk asesem iyi nek ŋgɔŋ ben nyɛr iwaŋ ndi akɔsɔŋ ne mben yi Itum, iwaŋ ndi ba yi ne klɛtu ba. Te na amɛ, 10 anuŋkub aneshir amɛ sɔkyaa ane nas abaŋa azeku ne mimi ne ti kɛ iwaŋ ndi akɔsɔŋ ne mben yi Itum, te zekuu iwaŋ ndi ba yi ne klɛtu ba. Atun tu anku men atyak azhɔk ne ti kɛ mben yi Itu mɔ te di, 11 <<Ŋgɔŋ amɔr ben Arik! Une mla te ubɛ ta ŋgɔŋ, gbar bǝn mgbyamgbyaŋ. Te ayi wa ne na kiki bɔbɔk, ne tanyɛme mi kiki yiŋɛ ne yime te yi ne vli.>>