1 Fe myik ngɔŋ nuŋ ne bla shar Arik azǝ are shu. Akpa ne ku, adar ne goŋ tu maa ari; iti maa iyi ndi laŋ arik. bǝn aza amaa ayi ndi akukɔŋ ayi ta lu. 2 Agli ivǝ mplɛ cɛr ikɛ bu ne ŋɔk maa. Ne sak iza maa ikɛ ŋɔk li ne inǝk ngɔŋ te sak iza maa kɛ ŋɔk mla ne goŋ abɛm, 3 fe azho ne kɔr ngɔŋ fe igu maa iyi ndi izhin ane zaki. 4 Ndi ne naga alɛ aklɛ, Mku ndim ncɛr. Fena mwɔ ikɔr ilɛ ire gbarshu, <<Ku iki me taŋgba yiŋɛ ndi nnas ne blai nyak, kǝr ubǝ cɛrǝ sak ba!>>

5 Fe ine shar ayou Arik ndi Mne yigu ne inǝk ngɔŋɔ ben igɔŋ abɛm alǝk ŋɔk li maa agli ne ishu 6 te asherim ne sak kɛ Arik, waŋ ndi ayi tsetser ne yaŋ klɛtu ben iyaŋ klɛtu, iwaŋ ndi nena igbarshu, igɔŋmimi, ben inǝk ngɔŋ ben kiki yiŋ ndi iyi ne miŋe. Ineshar ayou Arik adi, <<Ba tei na baŋ mkpaŋ ba! 7 Ama ndi ne bla shar ayou Arik ine taŋgba ate vli mpluŋ maa, fe Arik atei duŋ iki yi kpa nyak maa bǝ shaga, ndi ne mǝne bla abɛ bla shar tɔ ti amaa.>>

8 Fena ikɔr keŋ ndi Mne wɔ kɛ ayi kǝ rɛ gbarshu te tara lɛ bene bɛm, tedi, <<kɔmɔ tǝ ta mplɛ kǝ cɛr keŋ ndi ne bu kǝ teyi ne ŋɔk kɛ ine shar ayou Arik ne klikli ne inǝk ngɔŋ ben igɔŋ abɛm.>>

9 Fena Mgar ben ine shar ayou Arik te rib bu abɛ nǝm ivǝ mplɛ cɛrǝ. Adim, <<Takɛ te ta kɛ; itei lɛk ne nnɛ mi, ama nenu ami itei men ndi ntun.>>

10 Mta ivǝ mplɛ cɛrǝ ne ŋɔk kɛ ine shar ayou Arik te nta kǝ, fe ikam men ndi ntun ne anu amuŋ. Ama ndi mne mli kɛ, ikam lɛk ne nnɛ muŋ. 11 Fena ablam, <<Tedi utei bla tɔ ti iyi shar ilɛ kɛ Arik ne ntun, aner, aŋa ben atum.>>