1 Ubǝ cɛr ne shar ayou Arik ndi ayi bǝn abǝ zǝ Arik nǝ Sardisu te di: <<Waŋa ayi shar ndi ire bǝn waŋ ndi ayi ne Izhu me taŋgba yi Arik bǝn cinces me taŋgba. Mne zhi iki yiŋ ndi unai; Mnǝ zhi te kɔte adi uyi tsitsir ne tanyɛmɛ amɛ ama uyi kum! 2 Neme ubǝ shur ayi, ubǝ tyak sǝ te gli iki yiŋ ndi uyime neyi igligli didik tǝ kǝr ibǝ ku dɔ bɔbɔk ba. Te mne yik iki yiŋ ndi unai ba yi anenen nǝ ti kɛ Arik amuŋ ba. 3 Neme ubǝ shuzhi iki yiŋ ndi ne tsa ru te wɔi; ubǝ zei te duŋ zumimin mi. Bau te shur ayi ba, mtei nyɛ ndi ner ne zhib, bau tei zhi mkpaŋ keŋ ndi mtei nyɛ ba. 4 Ama anuŋ ne Sardisu ayime ndi ne duŋ kluŋklu mi yi tsetser. Utei tsin ben abɛm, atei suu kluŋklu klikla, te une mla abɛ suu ayi. 5 Abaŋ ndi ne lieru atei su ba kluŋklu klikla, ba tei atun asak amen atibe ne mplɛ kǝ abɛ vli ba. Nǝ ti kɛ Tetɛɛ amuŋ ben abɛ shar amaa mtei mbla ndende te ndi uyi bǝn abɛm. 6 <<Utǝ yi ne atɔŋ, ubǝ wɔ iki yiŋ ndi Izhu iblaa abɛ zǝ Arik!

7 Ubǝ cɛr ne shar ayou Arik ndi ayi bǝn abǝ zǝ Arik ne Filadefiya te di: <<Waŋa ayi shar yiŋ ndi ire ben waŋ ndi ayi tsetser tena yi nǝ zub. Ayi ne iki bu ankɔŋ ne amkpa awaŋ ndi Doda agliu, ndi ate abu ankɔŋ, bane ku ayime ba, ate buu bane ku ayime ba. 8 Mne zhi iki yiŋ ndi unai; mne zhi te iyi ne mgbyamgbyaŋ watsɔb; une zǝ itsar muŋ tena nam zub. Mne bu ankɔŋɔ ne ti mi, ndi bane ku ayime ba. 9 Ubǝ wɔ! Atei ntsan aneshir abaŋ ndi ayi ben shetan, tena timu te di aba ayi ŋli kɛ Yahudawa ama ba yi amɛ ba, mtei duŋ anyɛ te zekur ne aza mi. Bɔbɔk mǝne atei zhi tedi me nye ru. 10 Tǝ une zǝ ilɛ kɛ kpa nyak muŋ tena vuŋ kpa Gli, Mtei na ku nyak ne mkpaŋ kɛ yik iyah tǝ nɛ vuŋ susun ndi sɔŋ nyɛ ne atu yi gɔŋmimi te abɛ tsar aneshir abɛ gɔŋmimi. 11 M nye andanda. Ubǝ gli iki yiŋ ndi uyime neyi gbamgbaŋ, te kǝr nuŋ abɛ cogu ata idǝk kɛ lieru mi ba. 12 Me tei duŋ abaŋ ndi ne lieru abɛyi kukɔŋ ne Akabaŋkɔŋ ayi Arik amuŋ, batei na duŋu ba. Me ntei cɛr isak kɛ Arik muŋ netu amene isak kɛ ntun iyi Arik amuŋ, Urshelima yayas, ndi atei zi are gbarshu ire ben Arik. Me ntei na cɛr isak muŋ yayas aneyi. 13 <<Waŋ ndi ate yi ne atɔŋ, abɛ wɔ iki yiŋ ndi Izhu bla abǝ zǝ Arik!

14 Ubǝ cɛr ne shar ayou Arik ndi yi bǝn abɛ zǝ Arik nǝ Laudikiya te di: <<Waŋa ayi shar ndi ire bǝn waŋ ndi isak maa iyi amɛ, inǝ na anenen bǝn ne bla zub, waŋ ndi aye Arik wa ne na kiki bɔbɔk ne gɔŋmimi. 15 Me ne zhi iki yiŋ ndi unǝ nai; Mne zhi tǝ ndi bau sik ba bau ŋurwu ba. Iwɔb muŋ ubǝ yi izhiin kɔ bɛ sik kɔ bǝ ŋur wu! 16 Ama uyi ne atsutsu, bau ŋurwu ba bau sik ba, Me tei rugu tyak zhɔk ne anu amuŋ! 17 Udi, <Me yi nǝ adudunki tena yi nǝ kiki bɔbɔk ndi me wɔ bǝ.> Ama bau ne zhi tedi uyi nǝ yaŋ ki ba bǝn nǝ lɔ susun! Uyi nǝ yaŋ ki, mgbawun, bǝn amfik. 18 Neme, me nǝgu ilɛ, ubǝ lɛb zineriya bǝn abɛm, ayiŋ ndi aye nii, tǝ ubɛ yi ne adudunki. Ubǝ na lɛb anklu aklikla bǝn abɛm te su iku ishisha mgbawun mi. Tǝ na lɛb anyɛ ishur ne ayi ami, tǝ ubɛ yik. 19 Me vǝ tena nǝk iwaŋ ndi me nye ru iyah. Neme ubɛ na didik, te duŋ na zumimin mi. 20 Wɔ! Me kɛ nkli ne anɔkɔŋ te kpaŋu; iwaŋ ndi ate wɔ ikɔr muŋ te bu ankɔŋɔ, Me ntei nyɛ ikɔb men te li ikili bǝn abɛba, aba menyi atei li ikili bǝn abɛm. 21 Te yi abaŋ ndi ne lieru Me ntei nǝk ba ankɔŋ ane sɔŋ bǝn kɔnsa muŋ nǝ kɔb muŋ, ir keŋ ndi mǝne lieru te azizaŋa me ku sɔŋ nǝ ŋok li ben Tetɛɛ amuŋ ne mbɛn maa. 22 <<Iwaŋ ndi atei yi ne atɔŋ, abɛ wɔ iki yiŋ ndi Izhu ibla abɛ zǝ Arik!