1 Fe Myik gbarshu tǝ yik ikinuŋ yiŋɛ iyi nǝk sisik, ngɔŋ bǝn ivuŋ anu. Abɛ shar ayou Arik amɛ taŋgba bǝn kiki iyi sak iyah me taŋgba, ndi iyi klɛtu, te ai yi bla klɛtu mfu kɛ Arik.

2 Fe Mku yik ikinuŋ ndi inǝk ngɔŋ ine glas ne cɔk abiŋ ne lu. Mna yik abaŋ ndi ne li kum ne atu inarum ngɔŋ iyi nek sisik bǝn izhu maa bǝn atu abaŋ ndi ne duŋ acɛr asak amene. Aklɛkli ne inǝk ine glas ma, agli tentaŋ iyiŋ ndi Arik nɛ nek ba 3 tɛ duk asem ayi duk Musa, igen ayou Arik, bɛn asem ayi Nklu mɔ:

<<Ŋgɔŋ Arik Ŋgɔŋ,

Iyik ngɔŋ mi bǝn kiki iyi vuŋ anu iyi na mi!

Itum anǝ ntuntun,

Iyik izub bǝn ididik iyi nkɔŋ mi!

4 Ŋɔwa atei kli nǝ yime mi, Ŋgɔŋ?

Ŋɔwa atei kyak bla ngɔŋ mi?

Uyi tsetser kiki mi.

Ntuntun bɔbɔk atei nyɛ

Te zekuru,

Ne kiki iyi na mi iyaŋ klɛtu ndi ne yigǝ bɔbɔk.>>

5 Ndi iyiŋe nǝ gayir Myik akaba nɛ bu ne gbarshu, bǝn ivǝn ki nuŋ ne miŋe. 6 Abɛ shar ayou Arik amɛ ataŋgba ndi agli kiki iyi nek sisik aru are akaba ma, nɛ duŋ ne kluŋklu klikla bǝn ŋa anklu akɛ azurfa nɛ kpa kǝ ne asa amen. 7 Fena izhiin ne min kɛ ki tsitsir me nas inǝk abɛ shar ayou Arik amɛ ataŋgba agbǝgba ayi azurfa ndi ahru mfu kɛ Arik, iwaŋ ndi amene yime iyaŋ klɛtu. 8 Ne akaba ma ntsiŋ ne shaga iyi nek ilik gli bǝn mgbyamgbyaŋ kɛ Arik, te inuŋ ba atei yir miŋ akaba ma ba se kiki iyi sak iyah me taŋgba ne agli anyɛ me ne aŋɔk abɛ shar ayou Arik amɛ ataŋgbama nyɛ klɛtu.