Hebreus 9

Iziku Arik iyi Gbarshu bǝn Goŋmimi

1 Ikpa yak yi kuti iyi ne nkunkɔŋ yi zǝkur Arik bǝn mkpǝmkpa yi bǝn Arik. 2 Ne na Ibur, ne na amkpa nuŋ ne abɛm ndi azhɔu te amkpa tsetser. Nǝ amkpama ne yak iki laŋ lu ben Tebur ndi ne sak borodi kɛ nek Arik. 3 Nǝ ŋɔk lablɛ kɛ yaa Ibur iyime ndi azho kɛ te amkpa ne yi tsetser. 4 Nǝ miŋe ne na amkpa ne ŋɔk anyɛ ane yemgbɔ ane zineriya bǝn akpati ane ikiki yi kpa yak ndi ne ku ne agɔŋ ari ne zineriya ndi Manna iyi ne miŋe, Mkpɔk ki kɛ tɔ kɛ Haruna, mkpaŋ me yaa ndi ne cɛr ilɛ kɛ kpa yak na yi ne miŋe. 5 Nǝ itu Akpati me ikiki iyi yi ne amgba kɛ sɔŋɔ ndi ayi ŋgon kɛ Arik, ne bu amgba amen ashak amkpa ndi ne zuk zumimin yi aneshir shur. Ama azizaŋa bai mkpaŋ kɛ blaa zhin kiki bɔbɔk ba.