12 Nǝ yiŋɛ, kǝr zhin bǝ duŋ zumimiŋ Gli zhin tsǝne ne akpa ayi be ayiŋɛ ba, te duŋ zhin bǝ zǝ bubu yi men ba. 13 Kǝr izhin bǝ duŋ igab akpa min nuŋ bǝ duŋ zhin na zumimiŋ ba. Ndi amɛ, izhin bǝ kam nek Arik atu amin, ndi aner abaŋ ndi ne gli ba akama rɛ miŋ iku anyɛ yir miŋ sɔŋ tsetser; neme, izhin bǝ nek Arik igyaŋ akpa min te duŋu abɛ na iki tsetser neyi me. 14 Zumimiŋ ba tei Gli zhin ba; te ba zhin kusɔŋ ne angus akɛ cɛr iyi Musa ba ama ne ta zhɔk iye Arik.

15 Fe, anii? te tabǝ na zumimiŋ, ndi bata ri yi ne angus ayi cɛr Musa ba ama ne ina didik kɛ Arik? Iyiŋɛ bai te ba! 16 Amɛ izhin ne zhi tedi iki ndi izhin te zei ai yi kam zhin te agɛn amaa ka? Izhin tei ya te agɛn abɛ zumimiŋ, kɔ zhin bǝ zǝ kɔr kɛ Arik, keŋ ndi duŋ zhin yi atsetser. 17 Ama mne nyɛr Arik! Tǝ ne mkpaŋ nuŋ izhin ne ben yi agɛn abɛ zumimiŋ, izhin ne zǝ lɛ keŋ ndi ta ne nek zhin ne kǝ susun zhiin. 18 Neka zuk zhin ashur ne na zumimiŋ min te yi agɛn abɛ yi ne sɔŋ kɛ tsetser.