1 Yesɔ adi ba. <<Kǝr zhin bǝ duŋ asusun amin abɛ cɔk ala ba,>> <<Izhin bǝ ta nyɛmɛ ne susun ben Arik, izhin bǝ na tanyɛmɛ bǝn abɛm. 2 Nǝ kɔb kɛ Tetɛɛ muŋ kiki yime tetɛk; ndi ba iyi amɛ ba mbǝ mbla zhin. M tei nkɔmɔ amɔ te nkɔmɔ ntǝ na amkpa nyak zhin. 3 Ndi Mte ngar na amkpa nyak zhin, M tei nkam nyak te nyɛ mvu zhin te izhin bǝ sɔŋ ben abɛm. 4 Izhin ne zhi ankɔŋ ane gar amkpa awaŋ ndi mgara>>

5 Tɔma adiu tedi, <<Ŋgɔŋ, ba ta ne zhi amkpa awaŋ ndi ugara ba, ta tei na kikin te zhi ankɔŋɔi?>>

6 Yesɔ ata anyɛ me, <<Nga myi ankɔŋ tena yi izub tena nek ivli. Inuŋ ba tei gar ben Tetɛɛ ba se ne zǝ ben abɛm. 7 Abɛ di izhin nena zhim, izhin bǝ nak na zhi Tetɛɛ amuŋ maa yime, Nak baŋ rɛ azizaŋa, izhin ne zhiu te na yigu.>>

8 Filibus adi, <<Ŋgɔŋ, tsar ta Tetɛɛ ma iyiŋɛ itei mla tama.>>

9 Yesɔ mtanyeme: <<Bau ne zhim kai, Filibus, Ndi Mne mbaŋ mkpaŋ bene abɛ zhin? Iwaŋ ndi ate yik me ne yik Tetɛɛ. Ukam di <Mtsar zhin Tetɛɛ muŋ kikini>? 10 Bau ne tanyɛmɛ ne susun te myi ne miŋ kɛ Tetɛɛ, te Tetɛɛ ana yine miŋ muŋ kai? Nkanlɛ yiŋ ndi Mbla zhin ba yi muŋ ankyak ba. Ayi Tetɛɛ waŋ ndi ayi ne miŋ muŋ, ayi wa azǝn na ndum maa. 11 Tanyɛmɛ ne susun bǝn abɛm ndi mdi myi ne miŋ kɛ Tetɛɛ ana yine miŋ muŋ; Ubǝ na tanyɛmɛ ne kiki yi vuŋ anu mɔ. 12 Mbla zhin izub, iwaŋ ndi ne tanyɛmɛ bene bɛm atei na kiki yiŋ ndi mzǝn nai. Atei na kiki yi naŋ yiŋɛ, te nga M tei mkɔmɔ ben Tetɛɛ. 13 Ankyak M tei na iki yiŋ ndi izhin te bene ne sak muŋ, te duŋ Izu Arik abɛ gli ngɔŋ agli Tetɛɛ me. 14 Izhin bǝ ben kɔte ni ne sak muŋ, M tei na zhin aneyi.

15 <<Izhin te nyer me, izhin tei na iki yiŋ ndi mne ndi zhin bǝ nai. 16 Fe M tei mben Tetɛɛ muŋ, iwa atei na nek zhin nuŋ ne lɔk zhin ma te abɛ zǝ bǝn abɛ zhin kɔmɔ yaŋ klɛtu 17 Ayi Izhu tsetser, iyiŋ ndi abla ta zub ne atu aye Arik. Gɔnmimi ba tei tanyɛmɛ bene bɔu ba, te gɔnmimi ba yigu ba te abɛ ka zhiu. Ama izhin ne zhiu, te ayi ne miŋ min, atei na gli zhin atsene.

18 Bam tei duŋ zhin ndi agɛn ba; me tei nyɛ ben abɛ zhin. 19 Ba tei baŋ kpaŋ ba, gɔnmimi ba tei na yik me ba, ama zhine ba tei yik me. Tǝ me yi tsitsir, izhin tei na yi atsitsir min yime. 20 Nǝ bɛr yuŋɔ izhin zhi tem yi ben Tetɛɛ muŋ izhin na yi ne miŋ muŋ,me na yi ne miŋ muŋ.

21 Waŋ ndi ate wɔ lɛ kɛ bla muŋ te zǝ kɛ, ayi wa ne nyer me. Iwaŋ ndi ate nyer me Tetɛɛ muŋ atei na nyeru. Nga muŋ yime M tei na nyeru te na tsa ru tu muŋ.>>

22 Fe Yahuda (Ndi bai Yahuda awɔnǝ Iskariyɔti ba) adi, <<Ama, Ngɔŋ, ayi nii duŋu wɔb te bǝ tsar ta tu mi ba gɔnmimi bɔbɔk kai?>> 23 Yesɔ atanyeu ma, <<Iwaŋ ndi ate nyer me, atei zǝ tsar muŋ. Tetɛɛ muŋ atei nyeru, ta tei nyɛ Nga ben Tetɛɛ amuŋ ne kɔmɔr. 24 Iwaŋ ndi ba te nyer me ba tei zǝ tsar muŋ ba. Nkanlɛ yiŋ ndi zhin wɔi ba yi muŋ ba; iyi Tetɛɛ waŋ ndi ne shar me. 25 Kiki yiŋ ndi me blai ndim nnɛ yi ben abɛ zhin 26 Ama ne lɔk zhin ma Izhu Tsetser, iwaŋ ndi Tetɛɛ atei sharu ne sak muŋ, atei tsar zhin kiki bɔbɔk te na shu zhin kiki yiŋ ndi Mne bla zhin aneyi. 27 Mne duŋ zhin ne sik susun; Mne nek zhin sik susun muŋ. Bam ne nek zhin ir keŋ ndi gɔnmimi nege ba. Kǝr izhin bɛ duŋ asusun amin abɛ yi ne mɔ ba kǝr izhin bǝ duŋ te sǝsǝk ba 28 <<Izhin ne wɔ Mne di,<Mtai duŋ zhin Mtai na nkam nyɛ ben abɛ zhin.> Abɛdi zhin ne tanyɛme ben abɛm, izhin tei nyɛr tedi me kɔmɔ ben Tetɛɛ, te Tetɛɛ ayi ŋgɔŋ anaŋ me 29 Mbla zhin azizaŋa tǝ bǝ shi na, te ka shi tanyɛmɛ 30 Bam tei na lɛ bǝn abɛ zhin kɔmɔ ne tii ba, te Tum ne gli gɔnmimi a nyɛ. Ba na zǝm hria ba. 31 ama gɔnmimi itei zhi tem ne nyer Tetɛɛ te na iki yiŋ ndi ne di mnai.

<<Nyɛ zhin, ta bǝ duŋ amkpa awaŋa.