(Luka 6:37, 38, 41-42)

1 <<Duŋ te anuŋ ambuk ba, atei na teu ma miyi. 2 Ndi une te anuŋ ambuk, amɛ atei na teu ma, agbǝgba waŋ ndi une tsar anuŋɔ, awa atei na tsa ru ma.

3 <<Aye nii teu tɔ kǝnkam ne yi kɛ zumin te duŋ kɛ yi mi? 4 Anii duŋ udi zumin,<Duŋ me ntunu kǝnkam ne yi mi,> Tǝduŋ mkpɔk ki kɛ yi mi? 5 Jineba abɛ kamgli, tun kenkam kɛ yi mi te utei shi yik klɛ te kashe tun nkǝŋkam kɛ zumin.

6 <<Duŋ nek ane viu ki yi tsetser ba; kǝr ubǝ baŋ ki didik tuk zhɔk ane gluk abe kɔb ba. Utǝ na amɛ atei yuŋ te caŋǝ ne za te kama ŋuu.>>

(Luka 11:9-13)

7 <<Ben zhin, atei nek zhin; Wɔb zhin izhin tei yik; Kpyaŋ zhin ankɔŋ atei bu zhin ne wu. 8 Waŋ ndi ate ben anegu; iwaŋ ndi awɔb ayik; ben waŋ ndi ate kplaŋ, ankɔŋ atei buu.

9 <<Ŋɔ ne miŋ mine, zu maa ate benu kili te atei baŋ mkpaŋ anegui? 10 Ka atei benu ambɛ, te atei baŋ iwa anegui? 11 Izhineba, aner amimin, izhin zhi nek amumune min, ki didik, fe anii shi yar Tetɛɛ mɔr ne gbarshu nǝk ta ki didik ndi ta wɔb bene bɔu! 12 Iki yiŋ ndi izhin wɔb aneshir abɛ na zhin neyi, izhin bǝ na ba neyi men yi, waŋa ayi icɛr yi Musa bǝn abɛ bla shar yi Arik ne di.

(Luka 13:24)

13 <<Zǝ zhin ankɔŋ avetsɔb. Tǝ ankɔŋ ane bu te ana yi angɔŋ agar shur aneshir dɔmɔ, anere abɛ zeu ma ayi tetɛk. 14 Ankɔŋɔ ayi avetsɔb te amɔ wa agli aneshir ivli, aneshir watsɔb aba zeu.

(Luka 6:43-44)

15 <<Hria zhin ayi te abɛ timu te aba yi abɛ bla shar yi Arik. atei nyɛ zhin ne kpa kɛ awanta, ama imiŋe iyi kɛ awuwɔma mimin. 16 atei zhi ba ne kiki yi na men. Neshir ne taba kyaŋ dɔ ŋan ne ncɔŋ kɔ dɔ lambwe ne tiŋ kpanduŋ nni? 17 Amɛ itiŋ nkunkun kɛ rɛ igli dɔ didik rumɔ, kuŋkun mimin na gli dɔ mimin gli rumɔ. 18 Itiŋ nkunkun didik ba tei gli dɔ mimin rumɔ ba, kuŋkun mimin ba tei na gli dɔ didik rumɔ ba. 19 Itiŋ nkunkun ndi ba te yi nǝ dɔ didik ba, atei tsem kɛ atyak azhɔk te goŋ kɛ ne lu. 20 Amɛ, atei zhi abɛ bla shar Arik abɛ timu ne kiki yi na men. Abɛ zǝ Arik zǝzǝ didik bǝn abɛ timu

21 <<Ba kɔte ŋɔwa ndi azhɔm, <Ŋgɔŋ Ŋgɔŋ,> atei yir ikɔb kǝ gbarshu ba, se waŋ ndi ana kiki yi Tetɛɛ muŋ nǝ gbarshu. 22 Aner tetɛk atei dim ne bere, <Ŋgɔŋ, Ŋgɔŋ, ba ta ne bla aneshir lɛ kɛ kiki yi nyɛ ne sak mi kai, ba tane na gli anerim rumɔ ne sak mi, te na kiki ngɔngɔŋ iyi vuŋ anu ne sak mi ka yi?> 23 Ankyak M tei ru klɛ te ndi ba, <Nga bam ne men zhi zhin ba, Kam tibɛ zhin ayaŋa, abɛ na zumimin!>

(Luka 6:47-49)

24 Yesɔ adi, <<Waŋ ndi ate wɔ lɛ muŋ te na ndumo ne kɛ waa ayi ndi ner ne yi Mgbemgbeb ndi ne mee kɔb ma ne tu yaŋ. 25 Alu ne kuh, anga atuk ne shak aru anca, nguŋgu ne fuk kɔbɔ; bane zhaku ba, tǝ nɛ sak tanda maa ne tu yaŋ. 26 Ankyak iwaŋ ndi ate wɔ lɛ muŋ kǝŋe te kyak zǝ kɛ ayi ndi ner kpukpur ndi ne me kɔbɔ ne tu ablubluk. 27 Ndi alu ne zǝr kuh, anga atuk ne shak te ru anca, nguŋgu ne te te tur kɔbɔ, ne zhaku te tsik ŋar.>>

28 Ndi Yesɔ ne bla ilɛmɛ aklɛ, ntsan aneshir akɔ vuŋ anu ne lɛ kɛ tsar maa, 29 Tǝ ne tsar ndi waŋ di ayi ne mgbyamgbyaŋ, ba yi ndi abɛ tsar cɛr yi Musa ba.