1 <<Ikɔb kǝ gbarshu iyi ndi ner waŋ ndi ayi ne ahwaŋ ndi ne ru amblimblɛ bib te avu aneshir abɛ na ndum ne ahwaŋ amaa. 2 Ne ta nyɛmɛ te wa atei ya ba azɔb ayi na ndum kɛ bɛr zhin te shur ba ne ahwaŋa amaa.

3 Ne Kǝrfe tres kɛ amblimblɛ ne ru te na yik anuŋ aklikla ne dub isha. 4 Adi ba, izhineba minyi kɔte nam azhin ndum ne ahwaŋa amuŋ, M tei ya zhin kiyiŋ ndi yi anenen. 5 Akɔ gar.

<<Ana ru ne atsutsu arik baŋ Kǝrfe tar kɛ aririk te na vu anuŋ. 6 Ndi Kǝrfe tuŋ kɛ amgbalu ne te ne na ru te yik anuŋ aklɛkli isha. Arib ba, <<Izhin klikli sha rɛ amblimblɛ te aye anii?>>

7 Adiu, <<<Ba nuŋ ne zhɔ ta ndum ba.>

<<Adi ba, <izhineba minyi kɔte nam azhin ndum ne ahwaŋa muŋ.>

8 <<Ndi amgbalu ne te akiki ne ahwaŋa, adi atukɔ ane abɛ na ndumo, <Zhɔ abɛ na ndumo te ya ba azɔb aye na ndum men, vuŋ rɛ abɛ klɛ atu kɔmɔ bǝn abɛ ku ti.>>

9 <<Abɛ na ndum abaŋ ndi ne vuŋ ndum arɛ Kǝrfe tuŋ kɛ amgbalu anyɛ te ta azɔb amen ayi na ndum kɛ bɛr zhin. 10 Ankyak abaŋ ndi ne vuŋ ndum arɛ amblimblɛ bib, ayik tedi atei ya ba anaŋ abɛbaŋ ndi ne anyɛ gɔgɔŋ. Fe bɔbɔk mǝne ne ta azɔb ayi na ndum bɛr zhin. 11 Ndi ne taima, akɔ lɛ muemue ne tu ayi ner ne ahwaŋ 12 Adi, <<Aner abaŋa ndi ne baŋ ba gɔgɔŋ ne na ndum mkpaŋ zhin,> une ya ba anenen ben abɛta ndi ta ne na ndum rɛ amblimblɛ te arik ne wu ta.>

13 <<Ankyak adi zhin ne miŋ mǝne, ikpamuŋ, bam ne na zhin ki mimin ba. Ndika izhin ne tanyɛme te di zhin tei na ndumo azɔb ayi ndum kɛ bɛr zhin o? 14 Ta zhin iki yiŋ ndi yi min te kɔmɔ zhin. Nga M tei ya ner ndi ne nyɛ gɔgɔŋ anenen ndi Mne nek zhin. 15 Bam yine mgbyamgbyaŋ kɛ na ki yiŋ ndi susun muŋ ne tanyɛmɛ ne azɔb amuŋ kai? kɔ kau te ankiŋki ndi mbu ŋɔk iyi?>

16 <<Abɛ gɔgɔŋ atei ku ti, abɛ ku ti atei ku goŋ.>>

17 Ndi Yesɔ ne sɔŋ akɔmɔ ne Urshelima, ne zhɔ abɛ tsene maa awur ane aya aru kɔnsa te di ba, 18 Ta kɔmɔ ne Urshelima, atei vuŋ Izu Neshir anǝk ngɔŋ ne abɛ na ndum kǝ Arik bǝn abɛ tsar atɔra. atei ŋunu. 19 fena atei na baŋu anǝk abaŋ ndi ba yi ŋli kɛ Yahudawa ba te abɛ azhabu te tsǝgu tena kpaŋu ne tu kuŋkun kǝ gen. Nǝ bar yi ntar atei lu tsitsir!>>

20 Fe iyah men ane amun Zebɛdi a nyɛ ben Yesɔ iwa ben amumun amaa, te tar agbarum, te benu ki didik.

21 Yesɔ aribu tedi, <<uwɔb anii?>>

Iya maa adi, <<Tanyɛmma te duŋ amun amuŋ ayaa baŋa abɛ sɔŋ ne ŋɔk li mi te ne yaa maa abɛ yi ne ŋɔk mla mi ne ikɔb kǝ gbarshu.

22 <<Ba zhin ne zhi ki yiŋ ndi izhin ribǝ ba,>> Yesɔ adi ba, <<Izhin tei di so ne antse akǝŋ ndi M tei so mɔ yi? Ata anyɛ me, <<Ta tei yaa ma.>>

23 Yesɔ adi ba <<Izhin tei ya so ne antse amuŋ, isɔŋ ne ŋɔk li kɔ ŋɔk mla ba yi nga wa M tei nek zhin ba. Mkpǝmkpa yiŋɛ iyi abaŋ ndi Tetɛɛ amuŋ ne nai aŋyak ba.

24 Indi abɛ zeu tsǝn amɛ awur ne wɔ amɛ, ne te mfu ben amunwa amɛ aya baŋa. 25 Yesɔ ne zhɔ ba bɔbɔk mǝne amkpa azhin te di, Izhin ne zhi tedi abɛ gli gɔnmimi abaŋ ndi ba yi ŋli kɛ Yahudawa ba a tsar ba mgbyamgbyaŋ, angɔŋgɔŋ amene ana tsar ba mgbyamgbyaŋ. 26 Ba yi amɛ bǝn abɛ zhin ba. Ne mee, waŋ ndi awɔb ngɔŋ ne miŋ min abɛ kam ate igɛn amin, 27 waŋ ndi awɔb kuti abɛ akama te igene min 28 Ba Izu Neshir ne nyɛ te abɛ zekuru ba, ne nyɛ te bɛ zekur aneshir te na nek ivli Maa te abɛ ta aneshir tetɛk ashur.

29 Ndi Yesɔ ben abɛ zeu tsǝn aduŋ Jerikɔ, ntsan aneshir a zǝu. 30 Aneshir abɛ amfik ayi amɛ aya akɔsɔŋ ne kɔn ankɔŋ, ndi ne wɔ Yesɔ gar agayir,akɔ ŋar akɔr te di <<Ŋgɔŋ, Izu Doda, lɔ susun mɔr.

31 Ntsan aneshir atsaŋ ba te di abɛ aku anu, akyak te aŋar akɔr mgbɔmgbɔŋ, Ŋgɔŋ, Izu Doda, lɔ susun mɔr!>>

32 Yesɔ akɔ gbur aklɛ te zhɔ ba. Tǝ arib ba. <<Izhin wɔb te mbǝ na zhin anii?>>

33 Adi, <<Ŋgɔŋ, ta wɔb ubǝ buu ta ayi.>> 34 Yesɔ ne lɔ susun amene te asak ŋɔk ne ayi amene. Nǝ amkpamkpama ayi amene akɔ buu te akɔ azeu.