1 Ndi bɛr tani ne ndum ne gayir, amblimblɛ bib ne bɛr yi sɔŋ sik Meryamu Madalin bǝn Meryamu nuŋɔ ne gar tɔ ibɛ keŋ ndi ne ru Yesɔ mɔ.

2 Ankyak mimi ne zhaŋ, ndi ine shar ayou Arik ne nyɛ rɛ gbarshu, te gar bɛmɛ, te tur mkpaŋ yiŋ ndi ne ku bɛmɛ kǝ Ŋgɔŋ Yesɔ ayuŋ asɔŋɔ neyi. 3 Kpa ma ne laŋ te zar ayi ndi lu, iki yi su maa ne klak ndi aruru. 4 Sisik ne vuŋ abɛ blɛ ibǝ me tetɛk te kam ate ndi neka ku.

5 Ine shar ayou Arik adi amba ma, <<Duŋ te zhin sisik ba, me ne zhi te izhin wɔb Yesɔ, waŋ ndi ne kpaŋu ne nkunkun. 6 Ba yi ayaŋa ba; neka lu, ndi ne bla. Nyɛ tɔ zhin amkpa awaŋ ndi ne zhɔ gu ma. 7 kɔmɔ zhin andanda te gar te bla zhin abɛ tsene maa: <Neka lu ne bɛ tɔ zhin neka kuti min te akɔmɔ ne Galili. Amɔ zhin tei yigu.> Mneka mbla zhin.>> 8 Fe amba ma akɔ duŋ bɛmɛ andanda, ne sisik te bene nyer, te klu agar bla abɛ tsene maa. 9 Ankyak Yesɔ amla kpa bene abɛba. <<Mtǝk zhin,>> Adi ba. Akɔ nyɛ bǝn abɔu, te zekuru rim aza maa avuŋ te nǝgu ngɔŋ maa. 10 Fe Yesɔ adi ba, <<kǝr zhi bǝ te sisik ba. kɔte bla zhin amunzumɔr tedi abɛ gar Galili atei yik me amɔ.

11 Ndi amba ma ayine ankɔŋ, anuŋ abɛ blɛ bɛme ne yir miŋ ntun te bla ngɔŋ ne abɛ na ndum kǝ Arik bɔbɔk ki yiŋ ndi nena. 12 Ndi aŋgɔŋɔŋ abɛ na ndum kɛ Arik ne sɔŋ ben anunkub te sen lɛ me, ne nek abɛ kpaakpa ma azɔb ayi mwak, 13 Te di ba, <<Zhin bǝ di, <<Ta ne ku kurna ne bu te abɛ tsene maa ne nyɛ te zhib kumɔ abaŋ>. 14 Te igɔmna te wɔ lɛ kǝŋe, ta tei diu te di ba zhin ne zhi kinuŋ ba, ba zhin tei yi ne ikinuŋ yi dam zhin ba. 15 Amɛ abɛ kpaa kpama ne ata azɔbɔ te na ir keŋ ndi ne bla ba ma. Le kǝŋe ne shak min Yahudawa har aliŋ.

16 Ankyak abɛ tsene maa amɛ wur ne zhin agar Galili, ne gbu yiŋ ndi Yesɔ ne bla ba abɛ gara. 17 Fe ndi ne yigu, ne zekuru te nǝgu ŋgɔŋ maa. Ama anuŋ ne ma asusun ne tu maa. 18 Fe Yesɔ anyɛ ben aba te di, <<Mgbyamgbyaŋ kɛ gbarshu ben kɛ gɔnmimi ne neme kɛ bɔbɔk. 19 Amɛ kɔmɔ zhin te du ilɛ didik bǝn aneshir ne gɔnmimi bɔbɔk, Tǝ su ba ne amashir ne sak kɛ Arik Tetɛɛ bǝn kɛ Izu Arik bɛr kɛ Izhu tsetser, 20 te tsar zhin aba abɛ zǝ bɔbɔk ki yiŋ ndi Mne bla zhin. Mbla zhin me yi ndɔ ben zhin atutuk, te gar klɛtu yi gɔnmimi.>>