1 Ndi bɛr tani ne gayir Yesɔ ne gli Biturus bǝn Yakubu ben izumen Yɔɔna, te gli ba te yuŋ tu gbu aba kiki men. 2 Amuɔ kpa maa ku sɛn ne ti mǝne. Iti maa ne laŋ ndi a arik ane laŋ, fe kiki yiŋ ndi ne sui kam klak ndi laŋ lu. 3 Ne baŋ ba Musa bǝn Iliya amuno ruu bama, te lɛ bǝn Yesɔ.

4 Biturus adi Yesɔ, <<Ŋgɔŋ, ire tǝ ta yi ayaŋa, M tei na bur me tar: Izhiin kɛ Musa fe izhiin kɛ Iliya.>>

5 Ndi ayi ne min kɛ lɛ akpa ye laŋ anyɛ lab aku ba, fe awɔ kɔr rurɛ amkpama te di, <<Waŋa ai Izu muŋ, Me nyeru tetɛk, wɔ zhin ne wu.>>

6 Ndi abɛ tsene maa awɔme, azhaku akur ne mimi, fe akɔ te sisik. 7 Ankyak Yesɔ ne nyɛ te sak ba ŋɔk. <<Lu zhin,>> adi. <<Duŋ klu zhin sisik ba.>> 8 Ndi ne lɛk ayi atɔ shumɔ, ba nena yik nuŋ ba anaga yi Yesɔ wa.

9 Ndi ne zen zi rɛ gbu, Yesɔ ne nek ba lɛ, <<Duŋ bla nuŋ iki yiŋ ndi izhin ne yik, se ndi Izu neshir ne kama lu ne ku.>>

10 Abɛ tsene maa aribu, <<Tǝ aye nii abɛ tsar nkanlɛ adi te Iliya wa atei kuti anyɛi?>>

11 Yesɔ asaga, <<Amɛ, Iliya atei nyɛ atei kam ki bɔbɔk aŋyaga. 12 Tǝ mblazhin, Iliya ne ka nyɛ, fe bane tɔu ashak ayi ba, te nau kiyiŋ ndi asusun amen ne tanyɛme. Ne mee Izu Neshir atei yik iyah ne ŋɔk amen.>> 13 Ankyak abɛ tsene maa azhi te di alɛ netu ayi Yɔɔna ne su aneshir.

(Markus 9:14-29; Luka 9:37-43a)

14 Ndi ne yir ntsan aneshir, Iner ate gbahir ben Yesɔ te tar agbarum ne ti maa. 15 <<Ŋgɔŋ, wɔ lɔ susun kɛ zumuŋ,>> adi. <<Aku amkpen, te yik iyah tetɛk. Mkpaŋ nuŋ azhaku ne lu kɔ ne miŋ amashir. 16 Mne gliu te ngar bǝn abɛ tsene maa, ama bane duŋu a rɛ ba.>>

17 <<Izhin abɛ yaŋ tanyɛmɛ bǝn kab kɛ klik tu kǝŋe,>> Yesɔ asaga, <<Amkpaŋa ben mtai yi bene bɛ zhin? Amkpaŋa ben mtai sɔŋ bene bɛ zhin? Glim azhin vǝvǝne.>> 18 Yesɔ ne tsaŋ anerim, fe ne ru ne kpa vǝvǝne, ankyak akɔ rɛ ne mkpaŋa.

19 Ankyak abɛ tsene maa a nyɛ bǝn Yesɔ ne kɔnsa te rib, <<Aye nii duŋ ta yarǝ rumɔ lak kana?>>

20 Asaga, <<Itanyɛmɛ mine iyi watsɔb. Mbla zhin izub, izhin te tanyɛmɛ watsɔb ndi bǝbǝ nklik, izhin tedi gbu yiŋɛ, <Sɛr kɔmɔ ne gar yuŋ> Itei sɛr. Kinuŋ bai naŋ zhin na ba.>>

22 Ndi ne nyak anyɛ biŋ ne Galili, Yesɔ adi ba, <<Izu Neshir atei baŋu sak ne aŋɔk aneshir. 23 atei ŋunu, fe ne bɛr iyi ntar atei kama lu.>> Fe asusun abɛ tsene maa aluk.

24 Ndi Yesɔ bǝn abɛ zeu tsǝne amaa ne ka yir Kafanahum, abɛ ta gendumɔ anyɛ ben Biturus te rib, <<Ine tsar ami ba yaa gendu iyi kɔb Arik kai?>>

25 <<Iye me, a yaa,>> asaga.

Ndi Biturus ne yir kɔbɔ, Yesɔ ne kuti alɛ. <<U yik kikin, Siman?>> Arib. <<Ire bǝn ŋɔwa atum abɛ gɔnmimi ata ndum bǝn gendu iyi amumun amen ka bǝn anuŋ ini?>>

26 <<Bǝn anuŋ,>> Biturus asaga.

<<Fe iye me ne kpob amumun amene,>> Yesɔ adiu. 27 <<Ndi kǝr ta bǝ duŋ ba abɛ te mfu ba, kɔmɔ ne tuk te zhɔk ki vu ambɛ ne ndɔ. Baŋ ambɛ ane kuti; te bu anu amaa fe utei yik azɔb amɛ anas. Baŋ kɛ gli bama imuŋ bǝn imi.>>