(Markus 1:40-45; Luka 5:12-16)

1 Ndi Yesɔ Ne zi arɛ tiŋ gbu, ntsan aneshir ne zeu. 2 Ner ne lɔ amkpuk, ne anyɛ te tar agbarum ne ti maa tedi, <<Ŋgɔŋ, utǝ ta nyɛmɛ, utei duŋ me rɛ.>>

3 Yesɔ akɔ nab ŋɔk asagu tedi, <<Mǝnǝ ta nyɛmɛ>> <<rɛ fe!>> Ankyak ne lɔ amkpuk akɔ rɛ. 4 Fe Yesɔ adiu, <<duŋ bla nuŋ ba. Tsǝn te tsar tu mi bǝn abɛ ine na ndum kǝ Arik tei na nek asaraka, ndi cɛr yi Musa ne bla, naa mee te duŋ aneshir azhi teu neka rɛ.

(Luka 7:1-10)

5 Ndi Yesɔ ne yir min ntun yi kafanahum, ankyak zarmi ne nyɛ benu te benu abɛ alɔk iwa ma. 6 Adi, <Ŋgɔŋ,> <<igen amuŋ akɔkur ne kɔbɔ, kpa maa ne ku te azǝne yik yaa.>>

7 Yesɔ adiu, <<mgar nau te duŋu rɛ.>>

8 Fena zarmi me adi, <<Ŋgɔŋ, bam ne mla ndi utei zǝm gar kɔb muŋ ba, utǝ nak bla nkan lɛ ankyak igen amuŋ atei rɛ. 9 Nga ma mi yi ne angus akɛ nuŋ ne mgbyamgbyaŋ, bǝn abɛ kpaakpa ne angus amuŋ. Mtǝ ndi nuŋ, <kɔmɔ,> akɔmɔ; mteina ndi nuŋ, <nyɛ>, ana nyɛ, mteina ndi igen amuŋ, <Na iyiŋ,> ana nai.>>

10 Ndi Yesɔ ne wɔ amɛ, Ne vuŋ anu te bla abɛ zeu tsǝn te di, <<Mbla zhin izub, Bam ne zen yik nuŋ ne Isrela ine tanyɛmɛ ir kǝŋe ba. 11 Mdi zhin te aner tetɛk atei rɛ ti kɛ anzaŋ bǝn amgbalu, atei nyɛ te sɔŋ te li igyaŋ bǝn atsintsim amɔr Ibrai, bǝn Ishaku bǝn Yakubu ne ikɔb kǝ gbarshu. 12 Ankyak aner abaŋ ndi ba tei yir ikɔb kǝ gbarshu ba atei tyak ba ahrie ne abɛm, ne amatib bu, amɔ atei zhin te ŋuu aŋin.>>

13 Fe Yesɔ adi zarmi me, <<tsǝn kɔmɔ! Itei yi yir kɛŋ ndi une tanyɛmɛ ne susun.>> Fe igen ama akɔ rɛ ne mkpaŋa.

(Markus 1:29-31; Luka 4:38-39)

14 Ndi Yesɔ ne yir kɔb Biturus, ayik azhi men ane Biturus akɔkur ikpa ne ŋuru zhɔk. 15 Yesɔ avuŋ ŋɔk maa ilɔmɔ ku duŋu, fe alu asɔŋ te lɔgu ma.

16 Ndi amgbalu ne te, ne gli aneshir tetɛk abaŋ ndi ayi ne anerim agliu ma, ne nken lɛ maa ne yar anerime agli rumɔ te naa kab abɛ lɔ te ne rɛ. 17 Iyiŋɛ ne yemɛ te duŋ nkenlɛ ndi ne rǝ anu akɛ anebi Ishaya ine bla shar yi Arik ne shaga te di:

<<Nǝ baŋ lɔ mɔr ne tu maa

Tǝ baŋ lɔ kpa mɔr ahru.>>

(Luka 9:57-62)

18 Ndi Yesɔ ne yik ntsan aneshir ne zhɔ gu ne atsutsu, akɔ di ba bɛ glɔ kama kɔmɔ ne goŋ nǝk yuŋ. 19 Ankyak ne tsar lɛ ne atɔra anyɛ diu, <<Inetsar, Amkpa waŋ ndi utǝ gar M tei zeu.>>

20 Fe Yesɔ asagu ma te di, <<wuwuoma ayi ne dudu, Aŋliŋlɔ abɛ gbarshu ayi ne anjer, ama Izu Neshir ba yi ne amkpa ne ŋyaŋ tu ba.

21 Inuŋ ne min abɛ tsene maa adiu, <<Ŋgɔŋ, duŋ mte ruu Tetɛɛ muŋ baliŋ.>>

22 Fena Yesɔ adiu, <<Zǝǝm te duŋ akum abɛ ru akum amen.>>

(Markus 4:35-41; Luka 8:22-25)

23 Ndi Yesɔ ne yir asɔŋ ne miŋ gu abɛ tsene maa ne zeu ayir miŋ gumɔ. 24 Nǝ yaŋ zhi, alu ne shir nguŋgu ŋgɔŋ ifuk ne atu Nekǝ, amashir alu ankun ndi gu tei kam ku. Yesɔ ne yir te akɔkurna ne miŋ gumɔ. 25 Abɛ tsene maa ne te sǝu, tedi, <<Ŋgɔŋ, ta ta zhɔk! Tǝ ta tei mli amashir te ku!>>

26 Yesɔ adi ba, <<Izhin te sǝsǝk anii, izhin abɛ tanyɛmɛ watsɔb?>> Ankyak alu te tsaŋ nguŋgumɔ, bene ankun amashire fe akɔ te zee.

27 Anere avuŋ anu tedi, <<Waŋa ayi yir neshir takɛ? Tǝ nguŋgu ben ankun amashir awɔu!>>

(Markus 5:1-20; Luka 8:26-39)

28 Ndi Yesɔ neka glɔ goŋ yuŋ ne ŋaa kɛ Garisinawa, fe aneshire aya abaŋ ndi ayi ne anerim ayi ne mgbyamgbyaŋ kɔ ru arɛ abɛ te tara mla ben Yesɔ. Ndar mǝne duŋ aneshire aklu zǝ gar yuŋɔ. 29 Ate ruru te di. <<Uwɔb anii bene beta, Izu Arik?>> Une nyɛ sak ta iyah ndi mkpaŋ bane zen te bai?>>

30 Ggbahir ben ntsan ane gluk abɛ kɔb azǝne li. 31 Fena anerime akɔ ben Yesɔ te di, <<Utǝ gli ta rumɔ, duŋ ta bǝ yir miŋ akpaa ane gluk abɛ kɔb abaŋa.>>

32 Fena adi ba, <<tɔ tsǝn zhin!>> Ankyak anerime akɔ ru ne kpa kɛ neshire ate yir miŋ ane gluk abɛ kɔbɔ, ntsan anegluk go akɔ ŋar zhin te klu te yir miŋ nek te ku ne amashirǝ. 33 Abɛ kyu bama aklu ayir miŋ ntuno, te kɔte bla ki ndi ne na, bǝn ki ndi nena vuŋ aner ndi ayi ne anerim. 34 Ankyak kab aner abɛ ntuno aru te gar ayik Yesɔ, te benu tǝ bɛ duŋ gar mǝne.