Mga Gawa 16

Sumama si Timoteo kina Pablo at Silas

1 Nagpatuloy sina Pablo sa paglalakbay sa Derbe at Listra. May alagad si Hesus doon sa Listra na ang pangalan ay Timoteo. Ang kanyang ina ay Hudyo at mananampalataya rin, ngunit ang kanyang ama ay Griyego. 3 Gusto ni Pablo na isama si Timoteo, kaya tinuli niya ito para walang masabi ang mga Hudyo laban kay Timoteo, dahil ang lahat ng Hudyo na nakatira sa lugar na iyon ay nakakaalam na Griyego ang ama nito.