1 Olgeta we oli kamaot biaen long Adam, i kam kasem Noa, nem blong olgeta i olsem. Adam i bonem Set. Set i bonem Enos. Enos i bonem Kenan*. 2 Kenan i bonem Mahalalel. Mahalalel i bonem Jared. Jared i bonem Inok. 3 Inok i bonem Metusela. Metusela i bonem Lamek. Lamek i bonem Noa. 4 Mo Noa i gat tri pikinini boe blong hem, we nem blong trifala, Sem, mo Ham, mo Jafet.

5 Ol pikinini boe blong Jafet, i gat Goma, mo Magog, mo Madae, mo Javan, mo Tubal, mo Mesek, mo Tiras. Mo ol laen* we oli stap karem ol nem ya oli kamaot biaen long olgeta ya.

6 Ol pikinini boe blong Goma, i gat Askenas, mo Rifat, mo Togama. Mo ol laen we oli stap karem ol nem ya oli kamaot biaen long olgeta ya.

7 Mo ol pikinini boe blong Javan, i gat Elisaha, mo Spen, mo Saepras, mo Roj. Mo ol laen we oli stap karem ol nem ya oli kamaot biaen long olgeta ya.

8 Ol pikinini boe blong Ham, i gat Kus, mo Ijip, mo Libia, mo Kenan. Mo ol man blong ol ples we oli stap karem ol nem ya oli laen blong olgeta ya.

9 Ol pikinini boe blong Kus, i gat Seba, mo Havila, mo Sabtaha, mo Ramaha, mo Sabteka. Mo ol pikinini boe blong Ramaha, i gat Seba mo Dedan. Mo ol laen we oli stap karem ol nem ya oli kamaot biaen long olgeta ya.

10 Mo Kus ya i gat wan pikinini boe blong hem we nem blong hem Nimrod, we hem i fas man long wol blong kam namba wan man blong faet, we i stap winim ol narafala kantri.

11 Mo ol pikinini boe blong Ijip, i gat Lidia, mo Anam, mo Lehab, mo Naftu, 12 mo Patrus, mo Kasluhu, mo Krit. Mo Krit ya, ol man Filistia oli kamaot biaen long hem. Mo ol laen we oli stap karem ol nem ya oli kamaot biaen long olgeta ya.

13 Mo ol pikinini boe blong Kenan, i gat Saedon we i fasbon blong hem, mo Het. Mo ol laen we oli karem nem blong tufala ya oli kamaot biaen long tufala. 14 Mo ol narafala laen we Kenan i stamba blong olgeta, i gat ol laen blong Jebus, mo ol laen blong Amoro,* mo ol laen blong Gigas, 15 mo ol laen blong Hivi,* mo ol laen blong Aki, mo ol laen blong Sini, 16 mo ol laen blong Avad, mo ol laen blong Jemari, mo ol laen blong Hamat.

17 Mo ol pikinini boe blong Sem, i gat Elam, mo Asuru, mo Apaksad, mo Lud, mo Aram, mo Uj, mo Hul, mo Geta, mo Mesek. Mo ol laen we oli stap karem ol nem ya oli kamaot biaen long olgeta ya.

18 Apaksad ya, hem i bonem Sela, mo Sela i bonem Eba. 19 Mo Eba i bonem tu pikinini boe blong hem, mo i putum nem blong fasbon se Peleg*, from we long taem we hem i bon, olgeta man long wol oli seraot. Mo i putum nem blong sekenbon se Joktan.

20 Ol pikinini boe blong Joktan, i gat Almodad, mo Selef, mo Hajamavet, mo Sera, 21 mo Hadoram, mo Usal, mo Diklaha, 22 mo Ebal, mo Abimael, mo Seba, 23 mo Ofiri, mo Havila, mo Jobab. Mo ol laen we oli stap karem ol nem ya oli kamaot biaen long olgeta ya.

24 Nem blong olgeta we oli kamaot biaen long Sem i kam kasem Ebram i olsem. Sem i bonem Apaksad. Apaksad i bonem Sela. 25 Sela i bonem Eba. Eba i bonem Peleg. Peleg i bonem Rehu. 26 Rehu i bonem Serug. Serug i bonem Naho. Naho i bonem Teraha, 27 mo Teraha i bonem Ebram, we biaen, God i jenisim nem blong hem se Ebraham.

28 Ebraham i gat tu pikinini boe blong hem, we nem blong tufala, Aesak we mama blong hem Sera, mo Ismael we mama blong hem Hega.* 29 Mo Ismael i gat twelef pikinini boe blong hem, we nem blong olgeta, i stat long fasbon blong hem, i go kasem lasbon, i olsem. I gat Nebaeot, mo Kedara, mo Adbehel, mo Mibsam, 30 mo Mismaha, mo Dumaha, mo Masaha, mo Hadad, mo Tema, 31 mo Jeturu, mo Nafis, mo Kedemaha. Mo i gat twelef laen* oli kamaot biaen long ol twelef pikinini ya blong hem, we biaen oli stap kam plante we plante.

32 Ebraham i gat wan narafala woman blong hem we nem blong hem Ketura, mo woman ya i bonem sikis pikinini boe blong tufala we nem blong olgeta, Simran, mo Joksan, mo Medan, mo Midian, mo Jisbak, mo Suaha. Joksan i gat tu pikinini boe blong hem we nem blong tufala, Seba mo Dedan. 33 Mo Midian i gat faef pikinini boe blong hem we nem blong olgeta i olsem. I gat Efaha, mo Efa, mo Hanok, mo Abida, mo Eldaha. Olgeta ya evriwan oli kamaot biaen long woman ya.

34 Mo Aesak, narafala pikinini ya blong Ebraham, hem i gat tu pikinini boe blong hem, we nem blong tufala Esao mo Jekob*.

35 Ol pikinini boe blong Esao, i gat Elifas, mo Rehuel, mo Jehus, mo Jalam, mo Kora. 36 Ol pikinini boe blong Elifas, i gat Teman, mo Omara, mo Sefi, mo Gatam, mo Kenas, mo Timna, mo Amalek. 37 Mo ol pikinini boe blong Rehuel, i gat Nahat, mo Sera, mo Sama, mo Misaha. Mo ol laen we oli stap karem ol nem ya oli kamaot biaen long olgeta ya.

38 Ol man we oli stap long Edom fastaem oli kamaot biaen long ol pikinini blong wan man we nem blong hem Seiri. Nem blong ol pikinini blong hem i olsem. I gat Lotan, mo Sobal, mo Jibeon, mo Anaha, mo Dison, mo Eja, mo Disan. 39 Mo tufala pikinini boe blong Lotan, i gat Hori mo Homam. (Mo Lotan i gat sista blong hem, we nem blong hem Timna.) 40 Mo ol pikinini boe blong Sobal, i gat Alvan, mo Manahat, mo Ebal, mo Sef, mo Onam. Mo tufala pikinini boe blong Jibeon, i gat Aea, mo Anaha. 41 Mo pikinini boe blong Anaha, nem blong hem Dison. Mo ol pikinini boe blong Dison i gat Hamran, mo Esban, mo Jitran, mo Keran. 42 Mo ol pikinini boe blong Eja, i gat Bilhan, mo Sahavan, mo Jahakan. Mo tufala pikinini boe blong Disan, i gat Uj, mo Aran. Mo ol laen* we oli stap karem ol nem ya oli kamaot biaen long olgeta ya.

43 Bifo, long taem ya we ol laen* blong Isrel* ya oli no gat king blong olgeta yet, be ol man Edom oli gat ol king blong olgeta finis oli stap rul long olgeta, mo nem blong ol king ya i olsem.

Fastaem, i gat King Bela, man Dinaba, we papa blong hem Beo.

44 Biaen long hem, i gat King Jobab, man Bojeraha, we papa blong hem Sera.

45 Biaen, i gat King Husam, we i man Teman.

46 Biaen, i gat King Hadad, man Avit, we papa blong hem Bedad. King Hadad ya, hem i go faet agens long ol man Midian long kantri ya Moab, mo i winim olgeta.

47 Biaen, i gat King Samlaha, we i man Masreka.

48 Biaen, i gat King Saol, we i man Rehobot. Taon ya Rehobot, oli wokem klosap long reva.

49 Biaen, i gat King Balanan, we papa blong hem Akboro.

50 Biaen, i gat King Hadad, we i man Pao. Woman blong hem, nem blong hem Mehetabel, we papa blong hem Matred, mo bubu blong hem Mesahab.

51 Mo biaen, ol man Edom ya oli gat ol jif blong olgeta, we nem blong olgeta i olsem. I gat Timna, mo Alvaha, mo Jetet, 52 mo Oholibama, mo Elaha, mo Pinon, 53 mo Kenas, mo Teman, mo Mibsara, 54 mo Magdiel, mo Iram.