DUTRONOME 6

5 ✝6.5: Mat 22.37; Mak 12.30; Luk 10.27Mo yufala i mas lavem hem long olgeta tingting blong yufala, mo long olgeta laef blong yufala, mo long olgeta paoa blong yufala. 6 ✝6.6: Dut 11.18-20Yufala i no mas fogetem ol tok ya we mi mi stap givim long yufala tede. 7 Oltaem, yufala i mas tijim ol pikinini blong yufala long hem. Sipos yufala i stap long haos, no yufala i stap wokbaot, no yufala i go blong slip, no yufala i girap bakegen, be yufala i mas tokbaot ol samting ya.*6.7: Narafala rod blong tanem tok blong las haf blong vas ya i olsem. Sipos yufala i stap long haos, no yufala i stap wokbaot, no yufala i spel, no yufala i stap mekem wok blong yufala, be yufala i mas ridim olgeta baehat.