Êxodo 12

Fas Lafet blong Pasova

21 Nao Moses i singaot olgeta lida blong ol laen* blong Isrel* oli kam wanples, mo i talem long olgeta se, "Yufala i go talemaot long ol man blong yufala, blong oli jusumaot ol smol sipsip no ol smol nani blong olgeta, blong bambae oli kilim olgeta blong mekem Lafet* blong Pasova. 22 Olgeta oli mas tekem smol han blong stik ya hisop,* oli mas pusum i go long blad blong anamol ya we i stap long besin, nao oli mas ravem long tufala pos blong doa wetem kros blong doa blong ol haos blong olgeta. Nao bambae oli mas stap nomo insaed long ol haos ya, we bambae i no gat wan long olgeta i save kamaot bakegen, go kasem long moning. 23 ✝12.23: Hib 11.28Nao sipos Hae God i pastru long kantri ya blong kilim ol man Ijip, nao hem i luk blad ya, bambae hem i no save letem enjel ya blong kilim man i go insaed long haos ya blong kilim yufala.