24 Mme isʌñutom Yọọn emaekenyọñọ, Yisọs amaatọọñọ aditañ ikọ nnọọ atu awo mbaña Yọọn ate, "Nsoo ke ndufo ekewuọñọ ekaa ke anaan adikikịt? Me ñnyanyaha a-afịm anyeeñeke? 25 Mmiidooho ntoro, nsoo ke ndufo ekewuọ ekaa ise? Awo a-asịneke uyaiya afọñidem? Iyoo, mbon se isịne uyaiya afọñidem inyʌñ inie uwak nti ñkpọ ebañña ke ufọk mbọọñ. 26 Ado nsoo ndin ke ndufo ekewuọñọ ekaa adise? Prọfed? Ii, ami ntañ inọ ndufo, anye idooho prọfed kpọd, anye mi akpon akan prọfed. 27 Anye ke ñwed Abasi atañ abaña, abo:
" ‘Sese, ami ñyaadọñ isʌñutom mmi
ubem fiin iso nọ ato do adiikidiọñ usʌñ inịm unọ fiin.’
28 Ami ibo ndufo nte, ibaaha awo ndomokeed ke afịd mbon se eka aman a-akponno akan Yọọn, ado awo andisịp ñkan ke abioubọọñ Abasi akpon akan anye."
29 (Afịd mbon se ikikop ikọ amọ ye mme abọọ taks ñko emaedaara adinyaaña Abasi ke adikibọ uduọkmmọọñ Yọọn. 30 Ado mme Farisi ye mme nta akpeeb mbed emaesịn uduak Abasi ke idem ammọ sia ikibọọhọ uduọkmmọọñ Yọọn.)
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)