18 Naña emana Yisọs Krais akesaña ado ami:*1:18 naña Yisọs Krais aketọọñọ ado ami Eka amọ Mmeri akena nte adọ Yosef, ado mbemiso ammọ edidʌñọ keed, Mmeri amaayommo ke adudu Adisana Sịbidịd. 19 Sia ebe amọ Yosef akedo adinen awo a-akenịmme mbed, ñko*1:19 akedo adinen awo ikinyʌññọ iyem adisuenne anye anwa-anwa, anye amaanam akikere adisio anye ndọ ke ndịbe.

20 Ado ke anye amaakebiide ke esịd amọ ama adisio Mmeri ndọ, enyere Abọọñ amaabiọññọ anye ke ndab anyʌñ abo anye ate, "Yosef ayịn Defid, kuukop ndịk adiben Mmeri ñnyọñ ufọk nte anwaan mfo, sia ayịn a-anye ayommoke ato Adisana Sịbidịd. 21 Anye ayaaman ayịn awodeen, ndin afo ayaasio anye anyịñ Yisọs,*1:21 Yisọs ado Yọsua ke usem Krik, awuọñọke Abọọñ anyaaña. sia anye adiinyaaña ikọd amọ isio ke ndiọiñkpọ ammọ."