1 സഹായത്തിനായി ഈജിപ്റ്റിലേക്കു പോകുകയും

കുതിരകളെ ആശ്രയിക്കുകയും

അവരുടെ അനവധി രഥങ്ങളിലും

കുതിരച്ചേവകരുടെ ശക്തിയിലും വിശ്വാസമർപ്പിച്ചിട്ട്

ഇസ്രായേലിന്റെ പരിശുദ്ധനിലേക്കു നോക്കാതെയും

യഹോവയുടെ സഹായം അന്വേഷിക്കാതെയുമിരിക്കുന്നവർക്കു ഹാ കഷ്ടം.

2 എങ്കിലും അവിടന്ന് ജ്ഞാനിയാണ്, അവിടന്ന് അനർഥംവരുത്തും;

അവിടന്ന് തന്റെ വാക്കുകൾ പിൻവലിക്കുകയില്ല.

അവിടന്ന് ആ ദുഷ്ടരാഷ്ട്രത്തിനെതിരേ എഴുന്നേൽക്കും,

അധർമികളെ സഹായിക്കുന്ന അവർക്കെതിരേതന്നെ.