10 ആകാശത്തുനിന്നു

പൊഴിയുന്ന മഴയും മഞ്ഞും

ഭൂമി നനച്ച് അതിൽ വിത്തുകൾ മുളച്ച് വളർന്ന്,

വിതയ്ക്കുന്നയാൾക്കു വിത്തും

ഭക്ഷിക്കുന്നവർക്ക് ആഹാരവും നൽകാതെ

മടങ്ങിപ്പോകാതിരിക്കുന്നതുപോലെയാണ്,

11 എന്റെ വായിൽനിന്ന് പുറപ്പെടുന്ന എന്റെ വചനവും:

എന്റെ ഹിതം നിറവേറ്റി

ഏതിനുവേണ്ടി ഞാൻ അതിനെ അയച്ചുവോ ആ കാര്യം സാധിക്കാതെ

അത് എന്റെ അടുക്കലേക്കു വൃഥാ മടങ്ങിവരികയില്ല.