17 "ഇതാ, ഞാൻ പുതിയ ആകാശവും

പുതിയ ഭൂമിയും സൃഷ്ടിക്കും.

പഴയകാര്യങ്ങൾ ഇനി ഓർക്കുകയോ

മനസ്സിൽ വരികയോ ചെയ്യുകയില്ല.

18 പ്രത്യുത, ഞാൻ സൃഷ്ടിക്കുന്നതിൽ

നിങ്ങൾ സന്തുഷ്ടരായി എന്നേക്കും ആനന്ദിക്കുക,

ഞാൻ ജെറുശലേമിനെ ഒരു ആനന്ദമാകുവാനും

അതിലെ ജനത്തെ ഒരു സന്തോഷമാകാനുമായിട്ടാണ് സൃഷ്ടിക്കുന്നത്.

19 ഞാൻ ജെറുശലേമിൽ ആനന്ദിക്കും

എന്റെ ജനത്തിൽ ആഹ്ലാദിക്കും;

കരച്ചിലിന്റെയോ നിലവിളിയുടെയോ ശബ്ദം

ഇനി അവിടെ കേൾക്കുകയില്ല.