28 Pita zele kɛ, "Na yɛdayɛ noko mɔɔ yɛkpo debie biala na yɛra kɛ yɛbali ɛ nzi la, duzu a yɛbanyia ye a?"
29 Na Gyisɛse buale kɛ, "Mese bɛ nɔhalɛ nu kɛ awie biala ɛnle ɛke mɔɔ yekpo ninyɛne muala ɛlɛ a, aako aako, mediema mrenyia nee mraalɛ, ninli, selɛ, mralɛ, anzɛɛ agyapadeɛ, wɔ me ɛhulolɛ ti na yeha Edwɛkpa ne yehile awie mɔ, 30 na ɔnrɛnyia ye mɔnwo ɛya ɛya ɔnrɛdɛla aako aako, mediema mrenyia, nee mraalɛ, ninli, mralɛ nee azɛlɛ, nee nwolɛ manzonlehwenlɛ a!
"Ɛhye mɔ amuala bayɛ yɛ deɛ wɔ azɛlɛ ye azo, na wɔ ewiade ne mɔɔ bara la anu, ɔbanyia ngoane mɔɔ ɔnle awieleɛ a. 31 Na emomu menli dɔɔnwo mɔɔ kɛkala bɛdwenle kɛ bɛ nwo hyia somaa somaa la anwo ɛnrɛhyia bieko; yɛɛ dɔɔnwo noko mɔɔ ɛnlɛ anyunlunyia ɛnɛ la, banyia anyunlunyia wɔ ɛkɛ ne."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)