Mateyu 2

Bɛwo kakula Gyisɛse

1 Bɛwole Gyisɛse wɔ Bɛtelɛhɛm mɔɔ wɔ Dwudiya la, wɔ Belemgbunli Hɛlɔdo mekɛ zo. Melɛ zɔhane anu menli bie mɔɔ bɛnea nwɔlɛra nee anwomanyunlu bɛka edwɛkɛ mɔɔ bazi la vi sɛnzɛnduduleɛ maanle ne anu rale Gyɛlusalɛm na bɛbizale kɛ, 2 "Nienwu a Dwuuma Belemgbunli fofolɛ ne mɔɔ bɛwo ye la wɔ a? Ɔluakɛ yɛnwu ye ɛwɔlɛra ne wɔ sɛnzɛnduduleɛ maanle ne anu moamoa nehane, na yɛra kɛ yɛbayeyɛ ye."