1 "Bɛnlea boɛ! Bɛmmayɛ bɛ atiakunlukɛnlɛma ne bagua nu, amaa bɛahanvo bɛ, ɔluakɛ anrɛɛ bɛ sa ɛnrɛha bɛ ahyɛlɛdeɛ ne biala bɛnrɛvi bɛ Ze ne mɔɔ wɔ anwuma la lɔ. 2 Saa ɛfa ahyɛlɛdeɛ ɛmaa sɛlɛzɛlɛvolɛ bie a, mmayɛ nwolɛ dede kɛmɔ mɛlɛbɛlavoma ne mɔ yɛ la, bɛbɔ aweɛne wɔ ayia ɛleka ne mɔ nee awɔlɔne ne mɔ azo bɛtwe menli adwenle bɛba bɛ atiakunlukpalɛyɛlɛ ne azo! Nɔhalɛ nu meka meahile bɛ kɛ, bɛ sa ɛha ahatualɛ biala mɔɔ anrɛɛ bɛkɛnyia ye kenle bie la. 3 Na emomu saa ɛyɛ atiakunlukɛnlɛma wɔamaa awie a, yɛ ye fealera nu, na mmamaa ɛ sa bɛne ne bɔbɔ nwu deɛ mɔɔ ɛ sa fema ne ɛlɛyɛ la. 4 Na ɛ Ze ne mɔɔ ze fealera nu edwɛkɛ biala la badua wɔ kakɛ wɔ nwolɛ wɔ bagua nu.
6 Na saa ɛyɛ asɔne a, ɛdawɔ ɛ ngomekye fi ɛlɔne ne anu te ɛ nwo, na to ɛ nwo anlenkɛ nu na yɛ wɔ nzɛlɛlɛ ne fealera nu kile ɛ Ze ne mɔɔ ze wɔ fealera nu edwɛkɛ la, na ɛ sa baha wɔ ahatualɛ ne.