1 Reis 4

सुलैमाने अक्ल

29 परमेशरै दैनी राज़ै सुलैमाना लै खास्सी अक्ल अर खास्सी समझ़। तेऊ लै दैनअ परमेशरै इहअ खास्सअ ज्ञैन कि तेता निं कुंण नापी सकदअ। 30 राज़अ सुलैमान त पुर्बा बाखा देशे सोभी लोगा अर मिसर देशे लोगा का खास्सअ अक्ली आल़अ। तेऊ सान अक्ल निं कोही आथी ती। 31 एतान, एज्रेही, हमान, मेहोले शोहरू कलकोल अर दारदा का बी थिई तेऊ खास्सी अक्ल। सह हुअ ओर्ही-पोर्ही होरी देशे मणछा जैंदरी बी मशूर। 32 तेऊ आसा चअन हज़ार सैणीं गल्‍ला अर एक हज़ारा का ज़ादी गिहा खोज़ी लिखी डाही दी।✝4:32 सैणीं. 1:1; 10:1; 25:1