प्रकाशन 12

9 सह दानअ अर तेसे दूत शोटै स्वर्गा का पृथूई लै। सह बडी दानअ आसा सह ई सह निखल़ी ती पैहलै जुगै बी ज़हा लै राख्स अर दोशी बी बोला। अह आसा सह ई ज़ुंण एऊ संसारे मणछा कबाता पांदअ आसा लागअ द।✝12:9 जोह. 12:31

10 तेखअ शूणअ मंऐं स्वर्गै ज़ोरै इहअ बोल्दअ,

"ऐबै गअ म्हारअ परमेशर ज़िती!

"ऐबै करनअ तेऊ आपणीं शगती करै, राज़!

"ऐबै हणअ तेऊए मसीहो हक संसारै प्रगट!

"ज़ुंण म्हारै भाई-बैहणी लै राची धैल़ी परमेशरा सम्हनै दोश लाआ त, सह राख्स निं आजू परमेशरा सम्हनै रही सकदअ,

"सह शोटअ धरनीं पृथूई दी।✝12:10 प्रका. 11:15