Atos 2

41 ज़ुंणी पतरासे गल्‍ला दी विश्वास किअ, तिन्‍नैं लई पाणीं दी डुबकी अर तैहा ई धैल़ी मिलै कोई चअन हज़ार लोग विश्वास तिन्‍नां संघै। 42 तेखअ तिंयां सोभ लागै शधाणूं का शिक्षा लंदै, संगती, प्रभू भोज़ा करदै अर हर धैल़ै प्राथणां करदै लागी।

विश्वासीए संगत

43 एरुशलेम नगरीए सोभी लोगा पल़ी डअर, अर खास्सै रहैन करनै आल़ै काम अर नछ़ैण हआ तै शधाणूं करै प्रगट। 44 तिंयां सोभ विश्वास करनै आल़ै रहा तै कठा, अर तिन्‍नें सोभ च़िज़ा बी हआ ती कठा। 45 तिंयां करा तै आपणीं-आपणीं ज़ैदात अर समान बेच़ी-बेच़ी ज़ेही ज़सरी ज़रुरत हआ ती तेही बांडी।

46 हर धेल्‍लै हआ तै तिंयां भबनै कठा अर घअरै-घअरै प्रभू भोज़ करदी नंद अर भलै मन्‍नैं खाआ तै रोटी। 47 तिंयां सोभ करा तै परमेशरे स्तोती अर सोभ लोग तै तिन्‍नां करै खुश अर ज़सरअ उद्धार हआ त, तिन्‍नां ज़ोल़ा त हर धैल़ै प्रभू तिन्‍नां संघै।