36 जोपा नगरी दी रहा ती तबिता नाओंए एक च़ेल्ली, सह करा ती कई भलै काम अर गरीबा लै दान। 37 तिन्नां ई धैल़ै हुई सह बमार अर मूंईं। तिन्नैं विश्वासी बी डाही सह न्हैऊई धोई करै पांडा। 38 लुदा नगरी ती जोपा नगरी नेल़ तिन्नैं विश्वासी भाई शूणअ इहअ कि पतरास आसा तिधी आअ द। तिन्नैं छ़ाडै दूई मणछ एही अरज़ करदै, "ज़ेतरअ छ़ेक्कै हई सका, एभी एछै हाम्हां सेटा लै।"
39 तेखअ डेऊअ पतरास तिन्नां संघै अर ज़ांऊं तिधी पुजअ अर तिन्नैं निंयं सह पांडा लै अर सोभ बिधबा बेटल़ी ती लेरदी लागी दी अर तिंयां खल़्हुई पतरासा सेटा अर ज़ुंण झिकल़ै तैहा तिन्नां संघै रहंदी बणाऐं तै तिन्नां रहैऊंदी लागी।
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)