1 तेखअ बोलअ तेऊ स्वर्ग दूतै मुल्है इहअ ज़ुंणी बाछे झिकल़ै तै बान्हैं दै, ✝"तेखअ एछणअ मिकाईल ज़ुंण परमेशरो महान स्वर्ग दूत आसा। सह आसा तिन्‍नां प्रैंदै प्रधान सैनापति ज़ुंण स्वर्ग दूत तेरै लोगे फाज़त करा। ज़ेभै सह प्रगट हणअ, तेभै हणीं खास्सी आफ़त। थारअ देश बणनैं ओर्ही तैहा धैल़ी तैणीं निं तेही आफ़त कधि पल़ी। पर थारै आपणैं लोगा मांझ़ै जाणैं कई लोग तैहा आफ़ता का बच़ी। ईंयां बच़णैं तिंयां ई ज़सरै नाअं परमेशरे कताबा* दी आसा दर्ज़ किऐ दै।✝ 2 कई ज़ुंण मरी हणैं गऐ दै, तिंयां हणैं भिई। कोऐ भेटणीं सदा लै ज़िन्दगी अर कोऐ हणैं सदा लै शर्मिंदै।✝ 3 ज़ुंण अक्ली आल़ै मणछ होए तिन्‍नां का लागणअ सरगे तारै ज़िहअ च़लकार। ज़ुंणीं धर्मीं सोभी का धर्म करनअ सखाऊअ, तिंयां बी च़मकणै सदा तिहै ई।✝