Êxodo 32

11 तेखअ लागअ मोसा इहअ बोली बिधाता मनैऊंदअ, "हे म्हारै बिधाता, आपणीं महान शगती करै पजैल़ै तंऐं ईंयां लोग मिसर देशा का इधी, ऐबै निं रोश्शै इना खतम करी आथी।✝32:11 गण. 14:13-19 12 इधी पुजी ज़ै तूह इहअ करे, मिसर देशे लोगा भेटणीं बोल़णें बारी कि ताह तै इज़राईली बूरै गऐ दै अर तंऐं पजैल़ै इधी तिंयां एते तैणीं कि तूह तिन्‍नां पठी खतम करी सके। ज़ीबाण, ऐबै निं आपणैं इना लोगा रोश्शै मारी पाई! 13 आपणीं तैहा अटल़ करारा कर आद ज़ुंण तंऐं आबराम, इसहाक अर इज़राईला संघै आसा किई दी। तंऐं बोलअ त आप्पै कि एकी धैल़ै हणीं तिन्‍नें सरगे तारै ज़ेही खास्सी आद-लुआद ज़ेता कुंण गणी निं सकदअ, अर ताह ज़ुंण ज़ैगा तिन्‍नां लै दैणीं, सह हणीं तिन्‍नें सदा लै।"✝32:13 मूल. 17:8; 22:16,17

14 बिधाता हटअ तेखअ पिछ़ू अर तेऊ निं इज़राईली खतम किऐ, ज़िहअ तेऊ बोली हेरअ त।