Lucas 2

शमौने गिह

25 तधू त तिधी एरुशलेम नगरी एक शमौन नाओं मणछ अर सह थिअ बडअ धर्मीं अर भलअ भगत मणछ, अर सह हआ त इज़राईले शांती न्हैल़अ लागअ द अर पबित्र आत्मां त तेऊ संघै। 26 तेऊ लै त पबित्र आत्मां का इहअ भेद खोज़अ द, "ज़ेभै तैणीं तूह प्रभूए मसीहा भाल़ी निं लए, तेभै तैणीं निं तूह मरनअ आथी।" 27 सह आअ आत्मां दी भर्हुई करै भबना लै। ज़ांऊं मरिअम अर युसुफै सह होछ़अ लान्हअ ईशू भितरा लै आणअ कि बधाने साबै तेऊ लै तिंयां करे। 28 तेऊ ढाकअ सह शोहरू "ईशू" आपणैं भोसल़ै संघा बोलअ परमेशरो शूकर करी इहअ,✝2:28 ईशा. 40:5; 42:6; 49:6

29 "हे परमेशर

ऐबै सका हुंह तेरअ दास तेरै बाहिदे साबै शांती संघै मरी।

30 किल्हैकि मेरी आछी हेरअ तेरअ उद्धार भाल़ी,

31 ज़ुंण तंऐं सोभी देशे लोगा लै आसा तैर किअ द कि

32 सह आसा होरी सोभी ज़ातीए लोगा लै परमेशरा प्रगट करनै आल़अ प्रैश्शअ

अर तेरी आपणीं परज़ा इज़राईली मणछो प्रतप्प।"