4 एता लै डेऊअ युसुफ बी किल्हैकि सह बी थिअ राज़ै दाबेदे खिंबा का। सह डेऊअ गलील मुल्खे नासरत नगरी का यहूदा मुल्खै बेतलेम राज़ै दाबेदे नगरी लै। 5 युसुफ बी डेऊअ मरिअमा संघै आपणीं हणैं आल़ी लाल़ी मरिअम ज़ुंण सुंदी ती, ज़हा संघै तेऊ बरनीं ती लाई दी ताकि सह नाअं दर्ज़ करी सके।

6 तेखअ तिन्‍नें बेतलेम नगरी रहंदी हुऐ मरिअमे सूंणें धैल़ै पूरै। 7 तैहा दैनअ आपणैं ज़ेठै शोहरू लै ज़ल्म अर तैहा पल़ेटअ सह झिकल़ै दी अर तेखअ डाहअ सह च़राठी भितरी। किल्हैकि तिन्‍नां निं सराईं भितरी रहणा लै ज़ैगा भेटी ती।