לַמְנַצֵּחַ מִזְמוֹר לְדָוִֽד ׃

אֹהֲבֵי יְהוָה שִׂנְאוּ רָע שֹׁמֵר נַפְשׁוֹת חֲסִידָיו מִיַּד רְשָׁעִים יַצִּילֵֽם ׃

מָחִיתִי כָעָב פְּשָׁעֶיךָ וְכֶעָנָן חַטֹּאותֶיךָ שׁוּבָה אֵלַי כִּי גְאַלְתִּֽיךָ ׃

קָרוֹב יְהוָה לְנִשְׁבְּרֵי ־ לֵב וְֽאֶת ־ דַּכְּאֵי ־ רוּחַ יוֹשִֽׁיעַ ׃

יְֽהוָה הַצִּילָה נַפְשִׁי מִשְּׂפַת ־ שֶׁקֶר מִלָּשׁוֹן רְמִיָּֽה ׃

רוּחַ אֲדֹנָי יְהוִה עָלָי יַעַן מָשַׁח יְהוָה אֹתִי לְבַשֵּׂר עֲנָוִים שְׁלָחַנִי לַחֲבֹשׁ לְנִשְׁבְּרֵי ־ לֵב לִקְרֹא לִשְׁבוּיִם דְּרוֹר וְלַאֲסוּרִים פְּקַח ־ קֽוֹחַ ׃

לַמְנַצֵּחַ ׀ לְעֶבֶד יְהוָה לְדָוִד אֲשֶׁר דִּבֶּר ׀ לַיהוָה אֶת ־ דִּבְרֵי הַשִּׁירָה הַזֹּאת בְּיוֹם הִֽצִּיל ־ יְהוָה אוֹתוֹ מִכַּף כָּל ־ אֹיְבָיו וּמִיַּד שָׁאֽוּל ׃

וַיֹּאמַר אֶרְחָמְךָ יְהוָה חִזְקִֽי ׃

שׂוֹשׂ אָשִׂישׂ בַּֽיהוָה תָּגֵל נַפְשִׁי בֵּֽאלֹהַי כִּי הִלְבִּישַׁנִי בִּגְדֵי ־ יֶשַׁע מְעִיל צְדָקָה יְעָטָנִי כֶּֽחָתָן יְכַהֵן פְּאֵר וְכַכַּלָּה תַּעְדֶּה כֵלֶֽיהָ ׃

יְהוָה אֱלֹהַיִךְ בְּקִרְבֵּך גִּבּוֹר יוֹשִׁיעַ יָשִׂישׂ עָלַיִךְ בְּשִׂמְחָה יַחֲרִישׁ בְּאַהֲבָתוֹ יָגִיל עָלַיִךְ בְּרִנָּֽה ׃

וַאֲנִי ׀ עָלֶיךָ בָטַחְתִּי יְהוָה אָמַרְתִּי אֱלֹהַי אָֽתָּה ׃

עָזְרֵנוּ ׀ אֱלֹהֵי יִשְׁעֵנוּ עַל ־ דְּבַר כְּבֽוֹד ־ שְׁמֶךָ וְהַצִּילֵנוּ וְכַפֵּר עַל ־ חַטֹּאתֵינוּ לְמַעַן שְׁמֶֽךָ ׃

פְּנֵי יְהוָה בְּעֹשֵׂי רָע לְהַכְרִית מֵאֶרֶץ זִכְרָֽם ׃

צָעֲקוּ וַיהוָה שָׁמֵעַ וּמִכָּל ־ צָרוֹתָם הִצִּילָֽם ׃

תְּרַנֵּנָּה שְׂפָתַי כִּי אֲזַמְּרָה ־ לָּךְ וְנַפְשִׁי אֲשֶׁר פָּדִֽיתָ ׃