1 Benɛ Tobi ɔ tsɔ nya sɔumi nɔ́ kpaagone ɔ nya a, hiɔwe jɔ dii maa pee ngmlɛfia fa. 2 Nɛ i na bɔfo kpaago ɔmɛ nɛ daa si ngɛ Mawu hɛ mi ɔ; nɛ a ha mɛ tɛtlɛmatlɛhi kpaago.
3 Nɛ bɔfo kpa ko nɛ hɛɛ la su ku womi tsopa tɔ nɛ a kɛ sika tsu pee ɔ ba da si ngɛ bɔ sami la tɛ ɔ he. A ha lɛ la su ku womi tsopa fuu nɛ e sa kɛ piɛ klɔuklɔu bi ɔmɛ kulaa a sɔlemi ɔmɛ a he ngɛ sika bɔ sami la tɛ nɛ maa si ngɛ matsɛ sɛ ɔ hɛ mi ɔ nɔ. 4 Nɛ la su ku womi tsopa a he via a futu klɔuklɔu bi ɔmɛ a sɔlemi ɔ kɛ je bɔfo ɔ ngɔ kɛ ho Mawu hɛ mi ya.
5 Kɛkɛ nɛ hiɔwe bɔfo ɔ je la ngɛ bɔ sami la tɛ ɔ mi kɛ wo la su ku womi tsopa tɔ ɔ mi nɛ e sake lɛ kɛ fɔ zugba a nɔ. Nɛ Hiɔwe si, nɛ oslabai gba, nɛ zugba hoso.
6 Kɛkɛ nɛ hiɔwe bɔfohi kpaago nɛ hɛɛ tɛtlɛmatlɛhi kpaago ɔmɛ dla a he nɛ a kpa bɛ ɔmɛ.
7 Kekle bɔfo ɔ kpa e bɛ ɔ, nɛ hiɔmi tɛ kɛ la nɛ muɔ futu mi je hiɔwe kɛ ba pue zugba a nɔ. Zugba a mi dlami etɛ mi kake sa, nɛ tsohi tsuo a mi dlami etɛ mi kake ke ngahi kulaa ngla.
8 Nɛ bɔfo nɛ ji enyɔ ɔ kpa e tɛtlɛmatlɛ ɔ, nɛ a sake nɔ́ ko nɛ ngɛ kaa yoku ngua ko nɛ ngɛ tsoe kɛ fɔ wo ɔ mi. Kɛkɛ nɛ wo ɔ mi dlami etɛ mi kake plɛ muɔ. 9 Nɛ wo ɔ mi nihi nɛ ngɛ wami ɔ a mi dlami etɛ mi kake gbo, nɛ lɛhi hu a mi dlami etɛ mi kake hɛ mi kpata.
10 Nɛ bɔfo nɛ ji etɛ ɔ kpa e tɛtlɛmatlɛ ɔ, nɛ dodoe agbo ko nɛ ngɛ tsoe kaa kane tsɔ kɛ je hiɔwe kɛ ba nɔ pa amɛ kɛ hehi nɛ nyu baa ngɛ ɔmɛ a mi dlami etɛ mi kake mi. 11 Dodoe ɔ biɛ ji Doomi, ejakaa e ha nɛ nyu ɔmɛ a mi dlami etɛ mi kake duɔ, nɛ nihi fuu nɛ nu ɔ a gbo.
12 Nɛ bɔfo nɛ ji eywiɛ ɔ kpa e bɛ ɔ. Kɛkɛ nɛ a fia pu ɔ mi dlami etɛ mi kake kɛ nyɔhiɔ mi dlami etɛ mi kake kɛ dodoe ɔmɛ a mi dlami etɛ mi kake ní, nɛ a mi dlami etɛ mi kakaaka a wo diblii kpii, nɛ pu ɔ mi dlami etɛ mi kake mi tsɔ we, nɛ nyɔhiɔ kɛ dodoe ɔmɛ hu ja a kɛ.
13 Nɛ i na kɔle ko nɛ ngɛ tee ngɛ hiɔwe lokoo nɛ e ngɛ ngmlaa kpae ke, "Due, due, due, ha nimli ngɛ zugba a nɔ, ngɛ níhi nɛ maa ba a nɔ ɔ, ke bɔfohi etɛ nɛ piɛ ɔmɛ kpa a tɛtlɛmatlɛ ɔmɛ!"
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)