1 un er hot gehert di verter fun Lavans zin, azoi tsu zogn: Yaakov hot tsugenumen alts vos undzer foter hot gehat, un fun undzer foters hob hot er gemacht di dozike gantse raichkeit. 2 un Yaakov hot gezen on Lavans ponem, ersht er iz nisht tsu im vi nechtn-eyernechtn. 3 un Hashem hot gezogt tsu Yaakovn: ker zich um tsu dem land fun daine eltern, un tsu dain opshtam, un ich vel zain mit dir. 4 hot Yaakov geshikt un hot gerufn Rachelen un Leahn in feld, tsu zaine shof. 5 un er hot tsu zei gezogt: ich ze on aier foters ponem, az er iz nisht tsu mir vi nechtn-eyernechtn; ober der G-t fun main foter iz geven mit mir. 6 un ir veist az mit main gantsn koiech hob ich gedint aier foter. 7 un aier foter hot gemacht geshpet fun mir, un hot gebitn main loin tsen mol, nor Elokim hot im nisht gelozn shlechts ton mit mir. 8 az er hot azoi gezogt: geshprenklte zoln zain dain loin, hobn ale shof geborn geshprenklte; un az er hot azoi gezogt: geshtraifte zoln zain dain loin, hobn ale shof geborn geshtraifte. 9 un Elokim hot avekgenumen fun aier foters fich, un gegebn mir. 10 un es iz geven in der tsait ven di shof hobn zich geport, hob ich oifgehoibn maine oign, un hob gezen in cholem, ersht di bek vos shpringen oif di shof zainen geshtraifte, geshprenklte, un geflekte. 11 un der malach fun HaElokim hot gezogt tsu mir in cholem: Yaakov! un ich hob gezogt: do bin ich. 12 hot er tsu mir gezogt: heib akorsht oif daine oign un ze, ale bek vos shpringen oif di shof zainen geshtraifte, geshprenklte, un geflekte; vorem ich hob gezen alts vos Lavan tut tsu dir. 13 ich bin HaEl Beis-El vos du host dortn gezalbt a zailshtein, vu du host geton a neyder tsu mir. un atsund shtei oif, gei arois fun dos land, un ker zich um tsu dem land fun dain geburt.

14 hobn Rachel un Leah geentfert un gezogt tsu im: hobn mir den noch a chelek oder a yerushe in undzer foters hoiz? 15 zainen mir nisht azoi vi fremde farrechnt bai im? vorem er hot undz farkoift, un oifesn oich oifgegesn dos gelt far undz. 16 vorem di gantse eshires vos Hashem hot avekgenumen fun undzer foter, dos iz undzers un undzere kinders. un atsund, alts vos Elokim hot dir geheisn, tu.

17 iz Yaakov oifgeshtanen, un hot aroifgezetst zaine kinder un zaine vaiber oif kemlen; 18 un er hot avekgefirt dos gantse fich zains, un zain gantsn farmeg vos er hot ongeklibn, dos fich fun zain eigens vos er hot ongeklibn in Paddan-Aram – kedei tsu gein tsu zain foter Yitschakn, kein Kenaan. 19 un Lavan iz geven avekgegangen shern zaine shof. hot Rachel aroisgegnvet dem trofim fun ir foter. 20 un Yaakov hot gegnvet dos harts fun Lavan dem Aramit mit vos er hot im nisht gelozt merkn az er antloift. 21 un er iz antlofn mit alts vos er hot gehat, un er iz oifgeshtanen un aribergegangen dem taich, un hot gekert zain ponem tsum barg Gilad.

22 iz ongezogt gevorn Lavanen oifn dritn tog az Yaakov iz antlofn. 23 hot er genumen zaine brider mit zich, un hot im nochgeyogt zibn teg vegs, un er hot im ongeyogt oifn barg Gilad.

24 iz Elokim gekumen tsu Lavan dem Aramit in a cholem fun der nacht, un hot tsu im gezogt: hit dich, zolst nisht redn mit Yaakovn fun guts biz shlechts.

25 un Lavan hot ongeyogt Yaakovn. un Yaakov hot oifgeshtelt zain getselt oifn barg; oich Lavan un zaine brider hobn oifgeshtelt oifn barg Gilad. 26 hot Lavan gezogt tsu Yaakovn: vos hostu geton vos du host gegnvet main harts, un host avekgefirt maine techter azoi vi gefangene fun shverd? 27 far vos bistu antlofn bahaltenerheit, un host zich avekgeganvet fun mir, un host mir nisht oisgezogt, az ich zol dich baleitn mit simche un mit gezangen, mit poik un mit harf? 28 un host mich nisht gelozn kushn maine zin un maine techter. narish hostu atsund geton. 29 main hant hot bekoyech tsu ton mit aich shlechts, nor der G-t fun aier foter hot nechtn bai nacht gezogt tsu mir, azoi tsu zogn: hit dich fun tsu redn mit Yaakovn fun guts biz shlechts. 30 un atsund, avekgein bistu avekgegangen, vail benken hostu zich farbenkt noch dain foters hoiz, lemai ober hostu gegnvet main g‑ter?

31 hot Yaakov geentfert un hot gezogt tsu Lavanen: vail ich hob moire gehat, vorem ich hob geklert: tomer vestu avekroiben daine techter fun mir. 32 bai vemen ober du vest gefinen dain g‑ter, der zol nisht lebn. far undzere brider derken vos iz dains bai mir, un nem dir tsu. un Yaakov hot nisht gevust az Rachel hot es gegnvet.

33 iz Lavan araingegangen in dem getselt fun Yaakovn, un in dem getselt fun Leahn, un in dem getselt fun di tsvei dinstn, un er hot nisht gefunen; un er iz aroisgegangen fun Leahs getselt, un iz araingegangen in dem getselt fun Rachelen. 34 un Rachel hot genumen dem trofim, un hot im araingeton in zotlkishn fun dem kemel, un hot zich gezetst deroif; un Lavan hot arumgetapt dos gantse getselt, un hot nisht gefunen. 35 hot zi gezogt tsu ir foter: zol nisht fardrisn in di oign fun main har, vos ich ken nisht oifshtein far dir, vail der shteiger fun vaiber iz bai mir. un er hot gezucht, un hot nisht gefunen dem trofim.

36 hot Yaakovn fardrosn, un er hot zich gekrigt mit Lavanen. un Yaakov hot zich opgerufn un hot gezogt tsu Lavanen: vos iz main farbrech, vos iz main chet, vos du host mich nochgeyogt? 37 az du host durchgetapt ale maine zachn, vos hostu gefunen fun ale daine keile-beit? leig es do far maine brider un daine brider, un zoln zei antsheiden tsvishn undz beidn. 38 far di tsvantsik yor vos ich bin geven mit dir, hobn daine shepsn un daine tsign nisht far vorfn, un di viders fun daine shof hob ich nisht gegesn. 39 a fartsukte hob ich nisht gebracht tsu dir; ich fleg laidn ir shodn; fun main hant flegstu es oifmonen, gegnvet bai tog, tsi gegnvet bai nacht. 40 bai tog flegt mich oifesn di hits, un der frost bai nacht; un main shlof hot gevaicht fun maine oign. 41 far tsvantsik yor bin ich geven in dain hoiz: fertsn yor hob ich dir gedint far daine tsvei techter, un zeks yor far daine shof; un du host gebitn main loin tsen mol. 42 ven es ver nisht der G-t fun main foter, Elokei Avrahamen un di forcht fun Yitschakn, volt geven mit mir, volstu mich atsund avekgeshikt mit leidikn. Hashem hot gezen main pain un di maternish fun maine hent, un er hot antsheidt nechtn bai nacht.

43 hot Lavan geentfert un hot gezogt tsu Yaakovn; di techter zainen maine techter, un di kinder maine kinder, un di shof maine shof, un alts vos du zest iz mains; un vos ken ich haint ton tsu di dozike techter maine, oder tsu zeyere kinder vos zei hobn geborn? 44 un atsund, kum lomir shlisn a bris, ich un du, un zol es zain tsum eides tsvishn mir un tsvishn dir.

45 hot Yaakov genumen a shtein, un hot im oifgeshtelt far a zailshtein. 46 un Yaakov hot gezogt tsu zaine brider: klaibt on shteiner. hobn zei genumen shteiner, un gemacht a hoifn, un zei hobn gegesn dortn oifn hoifn. 47 un Lavan hot im gerufn Yegar-Sahaduta, un Yaakov hot im gerufn Gal-Eid. 48 un Lavan hot gezogt: der doziker hoifn iz an eides tsvishn mir un tsvishn dir haint. derum hot men gerufn zain nomen Gilad; 49 un oich Mitspah, vail er hot gezogt: Hashem zol aropkukn tsvishn mir un tsvishn dir, ven mir veln zain farhoiln einer fun andern, 50 oib du vest painiken maine techter, un oib du vest tsunemen andere vaiber tsu maine techter, beeis kein mentsh iz nishto lebn undz; ze, Elokim iz an eides tsvishn mir un tsvishn dir.

51 un Lavan hot gezogt tsu Yaakovn: ot iz der doziker hoifn, un ot iz der zailshtein, vos ich hob oifgeshtelt tsvishn mir un tsvishn dir. 52 an eides iz der doziker hoifn, un an eides der zailshtein, az ich vel nisht aribergein dem dozikn hoifn tsu dir, un az du vest nisht aribergein dem dozikn hoifn un dem dozikn zailshtein tsu mir, tsum beizn. 53 zol Elokei Avrahamen, un Elokei Nachorn, der G-t fun zeyer foter, mishpetn tsvishn undz. un Yaakov hot geshvorn bai der forcht fun zain foter Yitschakn.

54 un Yaakov hot geshochtn shlachtopfer oifn barg, un er hot gerufn zaine brider tsu esen broit; un zei hobn gegesn broit, un hobn genechtikt oifn barg.