1 un es iz geven noch di dozike gesheenishn, hot men ongezogt Yosefn: ze, dain foter iz krank. hot er genumen mit zich zaine tsvei zin, Menashehn un Efrayimen. 2 un me hot gelozt visen Yaakovn un gezogt: ze, dain zun Yosef kumt tsu dir; un Yisroel hot zich geshtarkt, un hot zich gezetst oifn bet.

3 un Yaakov hot gezogt tsu Yosefn: El Shaddai hot zich bavizn tsu mir in Luz, in land Kenaan, un er hot mich gebentsht. 4 un er hot tsu mir gezogt: ze, ich vel dich fruchpern un vel dich mern, un ich vel dich machn far a gezeml felker; un ich vel gebn dos dozike land tsu dain zomen noch dir far an eibikn eigentum. 5 un atsund, di tsvei zin vos zainen dir geborn gevorn in land Mitsrayim far main kumen tsu dir kein Mitsrayim, zei zainen maine: Efrayim un Menasheh zoln zain maine azoi vi Reuven un Shimeon. 6 ober daine geborene vos du host geborn noch zei, zoln zain daine; oif dem nomen fun zeyere brider zoln zei gerufn vern in zeyer nachle. 7 … un ich, az ich bin gekumen fun Paddan, iz mir geshtorbn Rachel in land Kenaan oifn veg, ven es iz noch geven a shtrek land tsu kumen kein Efratah; un ich hob zi dortn bagrobn oifn veg kein Efratah, dos iz Beis-Lechem.

8 un Yisroel hot gezen Yosefs zin, un er hot gezogt: ver zainen di dozike? 9 hot Yosef gezogt tsu zain foter: dos zainen maine zin vos Elokim hot mir geshonken do. hot er gezogt: nem zei, ich bet dich, tsu mir, un ich vel zei bentshn. 10 un di oign fun Yisroeln zainen geven tunkel fun ziknh, er hot nisht gekent zen. hot er zei gemacht genenen tsu im, un er hot zei gekusht un zei gehaldzt. 11 un Yisroel hot gezogt tsu Yosefn: ich hob nisht gedacht dain ponem tsu zen, un ot hot mich Elokim gelozt zen oich daine kinder.

12 un Yosef hot zei aroisgetsoign fun tsvishn zaine kni, un hot zich gebukt oif zain ponem tsu der erd. 13 un Yosef hot zei beidn genumen, Efrayimen in zain rechter hant, tsu der linker hant fun Yisroeln, un Menashehn in zain linker hant, tsu der rechter hant fun Yisroeln, un hot zei gemacht genenen tsu im. 14 hot Yisroel oisgeshtrekt zain rechte hant, un aroifgeton oifn kop fun Efrayimen, vos iz geven der yingerer, un zain linke hant oifn kop fun Menashehn; er hot bekivn ibergedreit zaine hent, vorem Menasheh iz geven der bechor. 15 un er hot gebentsht Yosefn, un hot gezogt:

HaElokim vos maine eltern Avraham un Yitschak zainen gegangen far im,

HaElokim vos iz geven main pastuch fun zint ich leb biz oif haintikn tog,

16 der malach vos hot mich oisgeleizt fun alem beizn,

er zol bentshn di yinglech;

un es zol gerufn vern oif zei main nomen,

un der nomen fun maine eltern Avraham un Yitschak;

un zei zoln zich mern lerov oif der erd.

17 un Yosef hot gezen, az zain foter tut aroif zain rechte hant oifn kop fun Efrayimen, un es iz oisgekumen shlecht in zaine oign; hot er untergelent zain foters hant, kedei zi avektsunemen fun Efrayims kop oif Menashehs kop. 18 un Yosef hot gezogt tsu zain foter: nisht azoi, main foter, vorem der iz der bechor; tu aroif dain rechte hant oif zain kop. 19 ober zain foter hot nisht gevolt, un hot gezogt: ich veis, main zun, ich veis; er oich vet vern a folk, un er oich vet zain grois, ober zain yingerer bruder vet zain greser fun im, un zain zomen vet vern a fule felker. 20 un er hot zei gebentsht in yenem tog, azoi tsu zogn: mit dir zol zich bentshn Yisroel, azoi tsu zogn: Elokim zol dich machn azoi vi Efrayim un azoi vi Menasheh. un er hot geshtelt Efrayimen far Menashehn.

21 un Yisroel hot gezogt tsu Yosefn: ze, ich shtarb; ober Elokim vet zain mit aich, un er vet aich umkeren tsu dem land fun aiere eltern. 22 un ich hob dir gegebn ein chelek iber daine brider, vos ich hob avekgenumen fun der hant fun dem Emori mit main shverd un mit main boign.