2 Coríntios 1

भगवान ने घणो वारु केणु

3 आपणा ईसु मसी ना भगवान अने बाह ने घणो वारु कीया, जे दया नो बाह अने आखी भाती नी सांती नो भगवान से। 4 तीहयो आपणा आखा दुख मे सांती आपे; काहाके आपणु तीहयी सांती ना कारण जे भगवान आपणु ने आपे, तीने बी सांती आप सकया जे काना बी भाती ना दुख मे हय। 5 काहाके जेम ईसु मसी ना दुख मे साजल्‌या रीया, तेमेत आपणु सांती मे बी ईसु मसी नी लारे साजल्‌या रीया। 6 आमु दुख झेलया, ता आहयु तमारी सांती अने छुटकारा जुगु से, अने आमने सांती जड़ री ता तमने सांती आपवा करीनेत जड़ री: आहयी सांती तीहया आखा दुख ने अराम सी झेलवा मे मदत करहे, जे दुख आमु बी झेल र्‌या। 7 तमारा बारा मे आमने पक्‌की आह से, काहाके आमने मालम से के जेम तमु अमारा दुख मे साजल्‌या से तेमेत अमारी सांती मे बी साजल्‌या से।