भगवान नी हजुरी नु तम्बु
1 "अळतेण रेवा ना जागा जुगु दह पड़दा बणावजे; आहया पातळ्ळा सुत वेर बणावला नीळ्ळा, जामण्या अने रात्ला रंग ना कापड़ु ना रेय। अने तीमनी पोर वारु रीते करुब ना फुटक्या बणावीन ह़जाड़जे।
7 "अळतेण रेवा ना जागा नी उपर, तम्बु जुगु बोकड़ी ना नीम्बाळा ना ग्यारे पड़दा बणावजे। 14 अळतेण तम्बु जुगु रात्ला रंग वेर रंगली गाडरा नी खाल नु एक ओडवा नु अने तीनी उपर सुईसो नाम नी मोट्ली माछली नी खाल नु बी एक ओडवा नु बणावजे।
15 "अळतेण रेवा ना जागा ने उबा करवा करीन बाबळ्या ना लाकड़ा ना चोवखट बणावजे।
31 "अळतेण नीळ्ळा, जामण्या अने रात्ला रंग ना अने पातळ्ळु सुती वेर बणावलु कापड़ु नो एक वचे वाळो पड़दो बणावजे; तीनी पोर वारु गुथीन करुब ना फुटक्या बणावजे। 33 अने वचे वाळा पड़दा ने आकड़ान हेटा टांगीन, तीनी आडळ गवा नी चीट्ठी नो बाक्सो मोय लीज्जे, आहयी रीते तीहयो वचे वाळो पड़दो तमारी जुगु चोखला जागा ने आखा गेथा चोखला जागा ने अलग करीन राखहे।26:33 ईब्रानीयो 6:19; 9:3-5