धुप धपाड़वा नी वेदी
1 "अळतेण धुप धपाड़वा करीन बाबळ्या ना लाकड़ा नी वेदी बणावजे। 6 अने तु तीने तीहया पड़दा नी अगळ मेकजे जे गवा नी चीट्ठी ना बाक्सा नी अगळ से, मतलब पछतावा नु ढाकणु नी अगळ जे गवा नी चीट्ठीन उपर से, तांत मे तने भेट्या करही। 7 अने तीहयीत वेदी पोर हारुन वारु गंदायण्यान धुप धपाड़्या करे; अने दाड़ीक ह़वारे जत्यार तीहयो दीवा ने वारु करे ता तीहयो धुप धपाड़े, 8 अने ह़ांत्ली टेमे जत्यार हारुन दीवो धपाड़े ता धुप धपाड़्या करे, आहयु धुप यहोवा अगळ तमारी पीड़ी सी पीड़ी तक हमेसा धपाड़्या करे। 10 हारुन साल मे एक वार आना ह़ींगड़ा पोर पछतावो करे; अने तमारी पीड़ी सी पीड़ी साल मे एक वार पछतावा नी पाप नी बादा ना लोय वेर आनी पोर पछतावो करवा जोवे; आहयु यहोवा जुगु आखा गेथु चोखु से।"