उबजणाय कीताप 45

युसुफ आह़फा ना भायु ने आह़फा ना बारा मे देखाड़े

1 तत्‌यार युसुफ तीहया आखाम नी अगळ, जे तीनी आड़े-धेड़े उबा हता, आह़फा ने अळी रोक नी सक्‌यो; अने आड़ीन केदो, "मारी आड़े-धेड़े ना आखा माणहु ने बारो कर दे।"✝45:1 नेवताळा ना काम 7:13 भायुम नी अगळ आह़फा ने उजन्‌तु करवा नी टेमे युसुफ नी ह़ाते अळी कोय नी हतु। 2 तत्‌यार तीहयो आड़ी-आड़ीन रड़वा बाज ज्‌यो; अने मीस्‌री माणहु ह़मळ्‌या, अने फीरोन ना घोर ना माणहु ने बी खबर जड़ी। 3 तत्‌यार युसुफ आह़फा ना भायुम सी केवा बाज ज्‌यो, "मे युसुफ से, ह़ु मारो बाह हाव लग जीवत्‌लो से?" आनो जपाप तीना भाय नी आप सक्‌या; काहाके तीहया तीनी अगळ घबराय जेला हता।