16 भगवान आहयी कळी सी एतरो मोंग कर्‌यो, के तीना एक-खोळ्‌या बेटा ने आप देदो के, जे कोय तीनी पोर भरहो करे, तीहयो बरबात नी हये, पण अमर जीवाय हात करहे। 17 भगवान आह़फा ना बेटा ने कळी मे आनी लेदे नी मोकल्‌यो, के कळी पोर डंड नो हुकम आपे, पण आनी लेदे के कळी तीनी लारे बचे।

18 जे ईसु पोर भरहो करे, तीनी पोर डंड नो हुकम नी हय, पण जे ईसु पोर भरहो नी करे, तीहयो गुनाळ्‌ळो गणाय जेलो से, आनीन करते के तीहयो भगवान ना एक-खोळ्‌या बेटा ना नाम पोर भरहो नी कर्‌यो।