1 जूनो जमाना मा, परमेस्वर आपरो कन लक बोलन वालोगिन लक, लगत परकार ले पुरखागिन संग बोलयो। 2 परंतु या अखट्ट दिवस मा उ अमी लक आपरो टूरा लक बोलला, जोनला परमेस्वर ना सप्पा गोस्टी को वारिस बनाइसेस। वोनाच सप्पा दुनिया ला बनाइसेस। 3 उ ता टूरा परमेस्वर को गौरव को उजाड़ सेत। अना उ जनमन परमेस्वर जसोच सेत। अना सप्पा काही वोकोच सामरथ लक संभालासे। सर्वांना पाप पासुन मुक्त करायो अना असो करन को मंघा उ सरग मा महान गौरव लक परमेस्वर को उजो हातमा बस्यो।

4 वोको पद सरग दूतगिन लक वरता भेटयो सेत। काहे का वोला जोन नाव वारसाना भेटयो सेत। उ उनको नाव लक लगत साजरो सेत। 5 "का परमेस्वर ना कदी कोनी सरगदुत लक असो नही कव्हयो?"

"तु मोरो टूरा आस!

आज मि तोला जलमायो सेउ।"

अना मी वोको लाय,

अजी बनयो सेऊ,

"अना उ मोरो टूरा होयेत।"

6 मंग परमेस्वर दुनिया समोर आपरो "पहेलो टूरा" लाय असो कव्हसे का

"परमेस्वर को सप्पा देवदूत वोको अराधना करो।"

7 जबा परमेस्वर देवदूत को बारे मा कव्हासेत।

"उ आपरो देवदूत ला वारा,

अना आपरो सेवकहुन ला स्तो की लपट बनावासे।"

8 पर टूरा को बारे मा, "ओ परमेस्वर! तोरो सिघासन हरामेसा जुग-जुग तकन टिकेत अना तुमरो राज करन को छड़ी नियाव को कारज छेतर सेत।" 9 तोला साजरापन भावासेत अना पाप लक नफरत करासेत। एकोलाय परमेस्वर ना तोला पिरेम लक निवाड़ो सेत। "अना यो आदर मान तोला तोरो संगीगिन लक जास्ता देईसेस।" 10 अना मंग,

"हे पिरभु सुरुच मा तुचना धरती को पाया डाकिस,

अना बादल तोरोच हात को बनायो से।"

11 वोको नास होहेत, पर तु बनयो रव्हजोस।

सप्पा वय कपरा सारखे जुनो हो जाहेत पर तु एक सो बनो रव्हसेस।

12 अना उनला चद्दर जसो लपेटून देहिन।

मजे वा कपरा जसो बदलीन जाहेत।

पर तुम्ही एक सारखे सेव अना तोरो सालगिन को अंत होनार नाही।

अखीन तु वोला चद्दर को जसो लपेटजोस अना वय सबच कपरा को जसो जुनो भई जाहेति अना फट जाहेति।

13 अना कोन तो देवदूत ला उ असो कव्हयो होतो की,

"मी तोरो बैरी

ना तोरो पाय खाल्या ओयना देहिन

मोरो उज्जो कना बस।"

14 वय सप्पा आतमा परमेस्वर को सेवा नही करासेत काय? का सबच सरगदुत दास नाहती जोन उन लोकगीन को सेवा साठी धाड़यो जासेत जोन मुकती को बारिस सेत।