13 ଇନିଃ ମିଣ୍ଡିରାଃ ପୁଣ୍ଡି ଉବ୍ ଓଡ଼ୋଃ ସାନାଇ ବାହେର୍ ଦାଣାଁଏ ଓଡ଼ୋଃ ଆପ୍ନାଃ ସାନାଙ୍ଗ୍ ଲେକା ତିଃଇତେ ରାସ୍କାଲଃ କାମି ରିକାଃଏ।
14 ଇନିଃ କିରିଙ୍ଗ୍ ଆଖ୍ରିଙ୍ଗ୍ ଜାହାଜ୍ ଲେକା ସାଙ୍ଗିନ୍ ହେତେ ଆପ୍ନାଃ ଜମେୟାଃ ଆଉୱାଃଏ।
15 ଇନିଃ ସେତାଃ ଇଦାନ୍ରେ ବିରିଦାଃ ଓଡ଼ୋଃ ଆୟାଃ ଅଡ଼ାଃରେନ୍କକେ ଜମେୟାଃ ଏମାକଆଏ ଓଡ଼ୋଃ ଆୟାଃ କାମ୍ଡ଼ିକକେ ଅକଏ ଅକନ୍ ହିସା କାମିୟା ଏନ୍ କାମିକ ଏମାକଆ।
16 ଇନିଃ ଲୟଙ୍ଗ୍ ବିଷାଏରେ ବୁଗିଲେକା ଉଡ଼ୁଃକେଦ୍ତେ ଏନାକେ କିରିଙ୍ଗ୍ୟେଁଆ। ଓଡ଼ୋଃ ଇନିଃ ଆୟାଃ କାମିରାଃ ନାଲାତେ ଦାଖ୍ବାକ୍ଡ଼ି ବାଇୟା।
17 ଇନିଃ ପେଡ଼େଃତେ ଆପ୍ନାଃ କାମି ରିକାଃଏ ଓଡ଼ୋଃ ଇନିଃ ଆୟାଃ ତିଃଇକେ କେଟେଃ ବାଇୟା।
18 ଇନିଃ ଆୟାଃ କିରିଙ୍ଗ୍ ଆଖ୍ରିଙ୍ଗ୍ରେ ଲାଭ୍ ବୁଗିଲେକା ନେଲେୟା ଓଡ଼ୋଃ ନୁବାଃରେ ଇନିୟାଃ ଦିଆ କା ଇଣିଁଜଃଆ।
19 ଇନିୟାଃ ତିଃଇ ଚାର୍ଖା ଚେତାନ୍ରେ ତାଇନାଃ, ଓଡ଼ୋଃ ଆୟାଃ ତିଃଇଲଃ ଏନ୍ ସୁତାମ୍ ଢେରାକେ ବିୟୁର୍ରେ ତାନା।
20 ଇନିଃ ଗାରିବ୍ ହଡ଼କଆଃ ନାଙ୍ଗ୍ ଆୟାଃ ତିଃଇ ରାଡ଼ା ରିକାଏ ଓଡ଼ୋଃ ଲାଗାତିଙ୍ଗ୍ ତେୟାଃକ ନାମଃ ହଡ଼କକେ ଆୟାଃ ତିଃଇ ଜିଲିଙ୍ଗ୍ ରିକାଏ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)