15 ଆମ୍ ଆମାଃ ପୋଖେରା ଓଡ଼ୋଃ କୁଆଁ ହେତେ ଲିଙ୍ଗିୟଃତାନ୍ ଦାଆଃ ନୁଁଏମେ। 16 ଚିଆଃ ଆମାଃ ସେତେଙ୍ଗ୍ ବାହାରିରେ ନେତେହାନ୍ତେ କା ହବାୱା ଓଡ଼ୋଃ ଚିଆଃ ଆମାଃ ଲିଙ୍ଗିତାନ୍ ଦାଆଃ ହରାକରେ କା ଲିଙ୍ଗିୟଃଆ ? 17 ଏନା ଆମାଃ ଏସ୍କାର୍ ହବାଅଃକା, ଆମାଃଲଃ ଜେତା କା ଚିହ୍ନାର୍ ହଡ଼କଆଃ ଆଲକା ହବାଅଃକା। 18 ଆମାଃ ସେତେଙ୍ଗ୍ ଧାଇନ୍ ହବାଅଃକା ଓଡ଼ୋଃ ଆମ୍ ସେପେଡ଼େଦ୍ ଦିପିଲିରେ ଆମାଃ କୁଡ଼ିଲଃ ରାସ୍କାଅଃମେ। 19 ଇନିଃ ନେପେଲ୍ରେ ଦୁଲାଡ଼୍ ମିରିକ୍ ଲେକା ଓଡ଼ୋଃ ବୁରୁରେ ତାଇନ୍ତାନ୍ ସୁଗାଡ଼ାନ୍ ବିର୍ ମେରମ୍ହନ୍ ଲେକା ତାନିଃ। ଆୟାଃ ତଆ ସବେର୍ ଇମ୍ତାଙ୍ଗ୍ ସୁକୁ ଏମାମେକାଏ ଓଡ଼ୋଃ ଆୟାଃ ଦୁଲାଡ଼୍ରେ ଜାନାଅଗି ତାଇନ୍ମେ। 20 ହେ ଆଇଁୟାଃ ହନ୍, ଆମ୍ ଆପାଙ୍ଗିର୍ କୁଡ଼ିଲଃ ଚିକାନାଙ୍ଗ୍ ରାସ୍କାଅ ତାନାମେ ଓଡ଼ୋଃ ଏଟାଃ ନିଆଃ କୁଡ଼ିକେ ଚିକାନାଙ୍ଗ୍ ହାମ୍ବୁଦିୟାମ୍।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)