3 ଚିଆଃଚି ଆପାଙ୍ଗିର୍ କୁଡ଼ିରାଃ ମଚାଏତେ ଅଡଙ୍ଗ୍ଅଃତାନ୍ କାଜିକ ହୁରୁମ୍ସୁକୁ ରାସି ଲେକା ଉୟୁଗଃତାନା ଓଡ଼ୋଃ ଆୟାଃ ଜାଗାର୍ରେୟାଃ କାଜିକ ସୁନୁମ୍ ଲେକା ବୟଡ଼ାନ୍ଗି ଆଟ୍କାର୍ ତାନାଃ। 4 ମେନ୍ଦ ଆୟାଃ ଦାସା ଲିମ୍ଦାରୁ ଲେକା ମେହେର୍ ଓଡ଼ୋଃ ବାରାନ୍ସାଃ ଲେସେର୍କାନ୍ ତାରାଉଡ଼ି ଲେକ୍ନାଃ ତାନାଃ। 5 ଆୟାଃ କାଟା ଗନଏଃ ସାଃତେ ସେନଆଃ ଓଡ଼ୋଃ ଆୟାଃ ଚାଣ୍ଡାଙ୍ଗ୍ କାବାର୍ ଜାକେଦ୍ ସେନଆଃ। 6 ଏନାମେନ୍ତେ ଇନିଃ ଜୀଦାନ୍ରେୟାଃ ହରାରେ କାଏ ସେନା, ଚିଆଃଚି ଆୟାଃ ସବେନ୍ ହରା ଇନିଃକେ ଆଦ୍ତାଇୟା ଓଡ଼ୋଃ ଇନିଃ କାଏ ସାରିୟା।
7 ଏନାମେନ୍ତେ ହେ ଆଇଁୟାଃ ହନ୍, ଆଇଁୟାଃ କାଜି ଆୟୁମେମ୍ ଓଡ଼ୋଃ ଆଇଁୟାଃ ମଚା ହେତେ ଅଡଙ୍ଗ୍ତାନ୍ କାଜିଏତେ ଆଲମ୍ ଗେନାଅଃୱା। 8 ନେ’ଲେକାନ୍ କୁଡ଼ି ତାଃଏତେ ସାଙ୍ଗିନ୍ରେ ତାଇନ୍ମେ ଓଡ଼ୋଃ ଆୟାଃ ଅଡ଼ାଃ ଦୁଆର୍ ହେପାଦ୍ ହଗି ଆଲମ୍ ସେନା। 9 ହବାସାକାଅଃଆ, ଆମାଃତାଃରେ ତାଇକାନ୍ ମାନାରାଙ୍ଗ୍ ଏଟାଃ ହଡ଼କତାଃରେ ଏମଃଆ ଓଡ଼ୋଃ ଆମାଃ ବାରାଷ୍ ଏତ୍କାନ୍ ହଡ଼କକେ ଏମଃଆ।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)