17 "Lídounburime lagumuhóun weyu, liña lariñagun Bungiu:
Nóunahabei nani Sífiri hawagun sun gürigia,
hadimurehaba hisaanigu luéigiñe nóubadina,
gewenedübaña wéiyaaña mutu,
harihuba nibureintiña arufudúni.
18 Lídounburime weyu ligía,
nóunahabei giñe nani Sífiri hawagun idamuni,
ábame nadimurehan hayumulugugiñe,
38 Aba lariñagun Féduru houn:
—Asaküriha humá, badisei huguyame kada aban lidan liri Hesukrístu, ferudunawa láamuga hifigoun, ru láamugei Bungiu Sífiri Sandu hun. 39 Ladüga füramasehali Bungiu luagu líchugubei lan giñe Sífiri Sandu hun, luma houn hadügawagun, luma houn ha aganóubaña dise, luma houn sun ha lagúarubaña Bungiu lun lánigu hamá.