Sun katei hani sungua luagu
32 Sun ha afiñerubaña, aban labu haritagun, aban labu habusenrun. Úati ni aban ariñaguti luagu lumegen luagu lani lan lábugua; sun katei hani sungua luagu. 33 Ábati hasigirun apostolugu adimureha luagu lásaarun Wabureme Hesusu lídangiñe óunweni lau saragu ubafu, ábati labiniruniña Bungiu sun hagía. 34 Úati ni aban hádangiñe emegeiruti ni kata ladüga sun ha gafulasunbaña o gaban, aba burí halugurunu, aba hanügüni tebegi, 35 aba haderegeruni houn apostolugu lun lafanreinhóun hadan ha emegeirutiña.