Danieli lidan huyu le ñein habéi liñún
1 Aba líchugun Daríu san-wein gumadimatiña lun hetenirun lun ámuñegueinarügü fulasu le lábugiñebei larúeihan. 2 Aba líchugun ǘrüwa hábuti gumadimatiña, lun haríaahani hawadigimari san-wein gumadimatiña, meferidirun láamuga urúei lidan ni kata. Danieli aban hádangiñe ǘrüwa hábutigu gumadimatiña hagía, 3 furese aba lerederun hóugiñe súngubei ladüga lueirin lubafu; ligía laritagunbei urúei lun líchuguni lun ligía lan ariha lau gumadi fulasurugu.